AI-80 benzıni men dızel otyny qymbattaı ma?

Parlament Senaty Ekonomıkalyq saıasat, ınno­vasııalyq damý jáne kásipkerlik komıtetiniń músheleri Energetıka mınıstrligi men «Samuryq-Qazyna» AQ-tyń basshylyǵymen kezdesip, elimizdegi munaı ónimderiniń baǵasyn retteý men sapasyn arttyrýdyń zańnamalyq máselelerin talqylady. ­Energetıka mınıstriniń orynbasary Áset Maǵaýov ishki naryqtaǵy munaı ónimderiniń turaqtylyǵyn saqtaýǵa arnalyp qabyldanǵan sharalar týraly habarlady. Munaı ónimderiniń tapshylyǵy qaýpin boldyrmaý maqsatynda mınıstrlik AI-80 jáne dızel otynyna baǵalardy memlekettik retteýdi toqtatý­dy usynyp otyr. Baıandamashy­nyń aıtýynsha, janarmaı quıý beketterindegi tómen baǵalar kórshi memlekettermen shekaralas aımaqtarǵa munaı ónimderiniń baqylaýsyz aǵylýyna ákelip soǵýy múmkin. Á.Maǵaýov otandyq munaı ónim­d­erin óńdeý kásiporyndaryn jań­ǵyrtý jaǵdaıy týraly habardar etti. Atap aıtqanda, Atyraý mu­naı óńdeý zaýytynda munaı­dy tereń óńdeý kesheni qurylysy bıyl aıaqtalady. Pavlodar munaı hı­­mııasy zaýyty men PetroKazah­stan Oıl Prodakts (PKOP) kásip­­ornyn jańǵyrtý sharalary 2017 jyly aıaqtaý kózdelip otyr, ol K4 jáne K5 ekologııalyq dáre­jesindegi otyn óndirisine kóshýge múmkindik beredi. Sonymen qatar, mınıstrdiń orynbasary suıytylǵan gazdy paıdalanatyn kólik qural­darynyń sany artyp otyr­ǵa­ny­na toqtaldy. Gaz­ben jú­re­­t­in mashınalardyń sa­ny 36 000-ǵa jetip, 2014 jyl­men salys­tyrǵanda úsh ese art­ty. Qazaq­­standa myń adamǵa shaq­qandaǵy avtomobıl sany qazirgi 250-den on jylda 370-ke deıin ulǵaıýy kútilip otyr. Oǵan qosa, 2025 jylǵa qaraı gazben júretin kólikter men elektromobılder úlesi 20 paıyzǵa jetedi. Sóziniń sońynda Á. Maǵaýov úsh negizgi munaı óńdeý zaýytyn jańǵyrtý ishki naryq sura­nystaryn ózimizdiń joǵary sapaly munaı ónimderimen toltyrýǵa múmkindik beretinin, artyǵyn kórshi elderge shyǵarýǵa bolatynyn atap ótti. Ekonomıkalyq saıasat, ınno­vasııalyq damý jáne kásip­ker­lik komıtetiniń tóraǵasy Talǵat­bek Abaıdildın AI-80 markaly benzın men dızel otyny baǵa­synyń kóterilýi, ásirese, aýyl tur­ǵyn­dary úshin áleýmettik mańyzy zor másele ekenine nazar aýdardy. Ol, sondaı-aq, gazdy paıdala­na­tyn kólik quraldarynyń úlesi ulǵaıyp otyrǵanyn esepke ala oty­ryp, onyń baǵasyna baqy­laý­dyń qajettigin atap ótti, dep habarlady Parlament Senatynyń baspasóz qyzmeti.