Almatyda ótken Taý kýrorttary Eýrazııalyq alıansynyń III festıvali aıasynda Almaty Superski taý-shańǵy kýrortynyń jobasy tanystyryldy. Iri týrıstik bastama Almaty óńirinde taý týrızmin júıeli damytýǵa jáne ekonomıkany ártaraptandyrýǵa baǵyttalǵan, dep jazady Egemen.kz.
Jobany iske asyrýǵa Kazakh Tourism Development kompanııasy jaýapty. Kompanııanyń bas atqarýshy dırektory Erjan Erkinbaev kýrortta shamamen 5000 jańa jumys orny ashylatynyn aıtty. Onyń sózinshe, bul joba óńirdegi iri jumys berýshilerdiń birine aınalyp, Almaty qalasynda shaǵyn jáne orta bıznestiń damýyna serpin beredi.
Joba aıasynda ártúrli deńgeıdegi jalpy uzyndyǵy 60 shaqyrym bolatyn shańǵy trassalaryn salý, sondaı-aq táýligine 10 myńnan astam adamdy qabyldaı alatyn 16 jańa býyndy aspaly jol iske qosý kózdelgen. Bul ınfraqurylym kýrorttyń qoljetimdiligin arttyryp, týrıstik aǵymdy jyl boıy turaqtandyrýǵa múmkindik beredi.
Shymbulaq pen Eýrazııanyń áıgili kýrorttary Jasyl hartııaǵa qol qoıdy
Taý-shańǵy kýrortyn damytý barysynda ekologııalyq talaptarǵa aıryqsha mán beriledi. ESG qaǵıdattarynyń ashyq saqtalýy qamtamasyz etilip, kómirqyshqyl gazynyń shyǵaryndylaryn baqylaý júıesi engiziledi. Joba aýmaǵy Ile-Alataýy memlekettik ulttyq tabıǵı parki jeriniń shamamen 1002 gektaryn, ıaǵnı 0,5 paıyzdan kem bóligin qamtıdy. Sonyń ishinde 20 gektar aýmaqta kýrorttyq aýyl salý josparlanyp otyr.
Otandyq týrızmge salynǵan ınvestısııalar kólemi 1,2 trln teńgeden asty
Erjan Erkinbaevtyń aıtýynsha, joba ǵylymı negizge súıene otyryp júzege asady.
«Biz qurylys júrgiziletin aýmaqta jergilikti flora men faýnaǵa keshendi zertteý júrgizý úshin otandyq ǵylymı ınstıtýttarmen tyǵyz jumys isteımiz. Basty ustanymymyz – qurylysty jedel bastaý emes, aldymen ǵylymı saraptamadan ótý. Maqsatymyz Kók-Jaılaý shatqalynyń tabıǵatyn barynsha saqtaı otyryp, ony halyqqa qoljetimdi etý. Múmkindigi shekteýli azamattar, qarttar men otbasylar balalarymen birge tumsa tabıǵatty esh kedergisiz tamashalaı alýy tıis», dedi ol.
Kompanııa basshysy Almaty Superski jobasyn tek taý-shańǵy kýrorty retinde ǵana emes, týrızm men buqaralyq sportty damytýǵa, ekonomıkanyń jańa tirekterin qalyptastyrýǵa baǵyttalǵan keshendi bastama retinde baǵalady.
Jetisýǵa byltyr 40 myń ekotýrıst kelgen
Joba Almaty taý klasteriniń ózegine aınalyp, Qazaqstannyń taý týrızmi salasynda halyqaralyq deńgeıde tanylatyn brend qalyptastyrýǵa jol ashady. Bul óz kezeginde eldiń jahandyq týrıstik naryqtaǵy bedelin nyǵaıtýǵa múmkindik beredi.