Búgin Almatyda ótip jatqan III Eýrazııalyq taý kýrorttary alıansy (ETKA) festıvalinde ETKA-nyń Jasyl hartııasy qabyldandy. Bul hartııa Eýrazııa keńistigindegi taý týrızmi ındýstrııasynyń turaqty damýynyń ortaq qaǵıdattaryn aıqyndaıtyn strategııalyq qujat sanalady, dep jazady Egemen.kz.
Hartııa taý ekojúıelerin saqtaý, klımatqa keri áserin azaıtý, tabıǵı resýrstardy utymdy paıdalaný syndy ekologııalyq talaptarǵa saı basqarý tájirıbelerin damytý baǵytynda kýrorttardyń ortaq jaýapkershiligin qýattaıdy. Qujat erikti túrde qabyldanady ári oǵan ózge de taý kýrorttary qosyla alady.
Otandyq týrızmge salynǵan ınvestısııalar kólemi 1,2 trln teńgeden asty
Qujattyń arnaıy bóliminde ashyqtyq, áriptestik pen utymdylyq qaǵıdattary qamtylǵan. Bul bıznes, memleket, jergilikti qaýymdastyqtar men ǵylymı uıymdar arasyndaǵy ózara is-qımyldy damytýdy kózdeıdi. Qol qoıýshy taraptardyń birlesken bastamalaryn ETKA-nyń turaqty damý jónindegi saraptamalyq platformasy úılestirip otyrady.
Osy oraıda Shymbulak kýrortynyń bas dırektory Rınat Abdrahmanov:
«Shymbulaq úshin Jasyl hartııany qabyldaý – sońǵy jyldary júıeli túrde atqaryp kele jatqan jumysymyzdyń zańdy jalǵasy. Taý kýrorty ekologııalyq tepe-teńdikti saqtamaı damı almaıdy. Tabıǵı landshaftardy qorǵaý, resýrstardy jaýapkershilikpen basqarý, klımatqa áserdi azaıtý – salanyń uzaq merzimdi turaqtylyǵynyń negizi», dedi.
Bloomberg-ten CNN-ge deıin: Álemdik BAQ Almatyny úzdik 25 qalanyń qataryna qosty
Jasyl hartııaǵa ETKA quramyndaǵy Shymbulak Mountain Resort (Qazaqstan), Oi-Qaragai Mountain Resort (Qazaqstan), Amirsoy Mountain Resort (О́zbekstan), Rosa Khutor (Reseı), Shahdag Mountain Resort (Ázerbaıjan), Grandvalira Andorra (Andorra, EO) sııaqty áıgili kýrorttar qol qoıdy.
Jetisýǵa byltyr 40 myń ekotýrıst kelgen
Al Eýrazııalyq taý kýrorttary alıansy 2023 jyly Eýrazııadaǵy jetekshi taý kýrorttarynyń bastamasymen qurylǵan. Alıanstyń maqsaty – taý týrızmi basqarý salasyndaǵy kúsh-jigerdi biriktirý, týrıstik qyzmet sapasyn arttyrý, sporttyq áleýetti damyta otyryp, turaqty taý týrızminiń úzdik tájirıbelerin ilgeriletý. Alıanstyń shtab-páteri Almaty qalasynda ornalasqan. ETKA quramyna Qazaqstannyń Shymbulak jáne Oi-Qaragai, Ázerbaıjannyń Shahdag, О́zbekstannyń Amirsoy, Reseıdiń Rosa Khutor, sondaı-aq Ońtústik Koreıanyń Mona Yong Pyong kýrorttary kiredi. 24 aqpanda Grandvalira Resorts Andorra kýrorty Alıansqa qosylýǵa nıetti ekeni týraly memorandýmǵa qol qoıdy.