Esimi eleýliler esten shyqpasa eken

HH ǵasyr – almaǵaıyp minezdi baı tarıhymyzdyń baıandy betteri. Sondyqtan ótken júzjyldyqqa jıi-jıi atbasyn buryp, ýaqyt týyn jelbiretip, el basqarǵan, halyq sanasynda laıyqty iz qaldyrǵan, el damýy men órkendeýine úles qosqan tulǵalardy túgendeý, olarǵa qurmet kórsetý, esimderin jurt jadynda saqtaý sharalaryn atqaryp otyrý, sóz joq, búgingi urpaqtyń paryzy. Jýyrda bizdiń atymyzǵa osyn­­daı urpaq paryzyn arqa­la­ǵan bir top el turǵyndarynyń haty kelip tústi. Bizdiń Úkimet bas­shysy men Almaty, Pavlodar ob­lys­tary ákimderine qaratyp depý­tat­tyq saýal joldaýymyzǵa sol ótinish-hat, dálirek aıtqanda, ondaǵy: «...el basqarǵan kezin­de Otanyna adal, jumysyna shyn berilgen, kókeıinde urpaq­tyń keleshegi turatyn kirshik­siz, taza azamat retinde halqy­nyń jadyn­da qalǵan qazaqtyń birtýar ul­darynyń biri, qoǵam jáne mem­leket qaırat­keri Áripbaı Alybaevtyń esimin este qaldyrý maq­satyndaǵy usy­nysymyz bir­neshe jyl boıy aıaq­syz keledi...» degen sózder sebep boldy. Shynynda da, aǵa býyn ur­paq­tyń ómiri men eline sińirgen eń­begin, qyzmetin jaqsy bile­tinder Árekeń sekildi qoǵamshyl, halyqshyl, talapshyl, parasaty men paıymy mol keshegi kúnniń kórnekti basshylary jaıly aǵy­nan jarylyp, aq sózin aıtaryna esh kúmánimiz joq. Áripbaı Alybaev tabandy mi­nez ben tyńǵylyqty istiń ıesi edi. Onyń ómir joly – keshegi áke­­ler men aǵalardyń búgingi ur­paq­qa úlgi bolar aq joly, adal joly. Ol 1926 jyly Almaty ob­­lysynyń, Raıymbek aýd­a­n­yn­da­ǵy Jalańash aýylynda dú­nıe­ge kelgen. 1951 jyly Alma­ty zooteh­­nıkalyq-maldárigerlik ıns­­tı­týtyn bitirgen soń, Almaty, Tal­dyqorǵan oblystarynyń sha­rýa­shylyqtarynda, partııa jáne keńes uıymdarynda ártúrli jaýap­ty qyzmetter atqarǵan. 1962-1964 jyldary Shyǵys Qazaqstan oblystyq partııa komı­tet­iniń, 1964-1967 jyldary Pav­­l­o­dar oblystyq partııa komıt­eti­­niń ekinshi hatshysy, 1967-1972 jyldary Pavlodar ob­lystyq at­qarý komıtetiniń tór­aǵasy, 1972-1978 jyldary Tal­­dyqorǵan ob­lystyq partııa komı­tetiniń birin­shi hatshysy, 1978-1985 jyldary Qazaq KSR Et jáne sút ónerkásibi mınıstri bol­ǵan. 1986 jyly der­bes zeı­net­kerlik demalysqa shy­ǵyp, Qazaq shabyndyq-jaıy­lym ıns­tıtýtyn basqarǵan. Á.Alybaevtyń Qazaqstanda aýyl sharýashylyǵy salalaryn damytý máselelerine arnalǵan birneshe monografııasy, son­daı-aq, «Zamana tolqyndary» (1999) atty jınaǵy jaryq kór­gen. Aýyl sharýa­shylyǵy ǵy­lym­dary­nyń kan­dıdaty (1968) Lenın, Halyqtar dostyǵy, 4 márte Eńbek Qyzyl Tý, sondaı-aq, «Qurmet Belgisi» ordenderimen marapattalǵan. О́tinish aıtýshylar belgili mem­leket jáne qoǵam qaıratkerin es­te qaldyrý maqsatynda týǵan je­ri Almaty oblysyndaǵy Raıymbek aýda­­nynyń Shyrǵanaq aýylyna neme­se aýyldyq okrýgine, sondaı-aq, Tal­­dyqorǵan jáne Pavlodar qala­laryn­daǵy kóshelerdiń birine onyń esi­min berý týraly usynys aıtady. Qazaqstan Úkimetiniń múshesi bolǵan, Almaty, Taldyqorǵan, Pavlodar oblystaryna basshy­lyq jasaǵan Áripbaı Alybaev esimin este qaldyrý máselesine Úkimet oń qabaq tanytady ǵoı degen úmittemiz. Nurlan ORAZALIN, Senat depýtaty