Aqmola alǵa basa bermek

Tuńǵysh Prezıdentimiz Nur­­­sul­tan Nazarbaevtyń Qa­zaq­stan halqyna arnaǵan bıylǵy Jol­daýyn «Bolashaq­tyń irgesin birge qalaımyz» degen asa qýat­ty taqyryptan túz­geni aqmola­lyq­tardy da qanattan­dyryp otyr. Talaı taǵ­dyr­sheshti oqıǵalar­dyń kýá­si bo­lyp, sol úmit, ta­lap­tardyń júzege asýyna uıyt­qy bolǵan «Kókshetaý» máde­nıet saraıy búgin taǵy da bıiktedi. Munda kim joq deısiz, ta­nıtyn, ta­nymaıtyn adamdar­dyń jańa tuǵyrǵa umtylýdaǵy silkinis tabyn kórgenimizdiń ózi mereı. Keń aýqymdy kórmeler­den áıgili uıymdardyń ǵana emes, qarapaıym adamdardyń shy­ǵarmashylyq shyrqaýyn kór­gen de jaqsy eken. Buǵan tańqalýdyń jóni de joq sııaqty. Alǵa basqan saı­yn asqarymyz bıikteı basta­ǵany jasyryn emes. Aqmola obly­synyń ákimi Sergeı Dıachenko Joldaý jıynynda Mem­leket bas­shysynyń alǵa qoı­­ǵan tap­syrmalarynan órbitip kóńil ósirer biraz áńgime aıt­ty. Astana mańaıyndaǵy aglo­me­rasııa­lyq aımaqty qurýǵa kiriskenimiz, elordanyń azyq-túlik qor­jy­­nyn tolyqtyryp, «Jasyl aımaqty» jaınatyp jatqany­myz, týrıstik ındýs­trııa­nyń jan­danǵany, ın­dýs­trııalyq-ın­no­vasııalyq damý­dyń údemeli úrdis alǵany, bas­qa da qadam­darǵa qarysh berilgeni naqty mysaldarmen dárip­tel­di. Alda asqaraly mindet­ter­diń turǵa­nyna ekpin tú­sirildi. Oblystyq ishki saıasat bas­qarmasynyń ýaqyt aǵymynan óris alatyn baǵyt ustana­tynyna rıza boldyq. Minberge kóterilip, jurtshylyqqa sóz ar­naǵandardyń ózekti má­se­­le­ler­di talqyǵa salǵany qup­tar­lyq. Oblys jurt­shy­ly­ǵy óskemen­dikterdiń basta­ma­syn qoldap, El­basy óki­lettigin uzartý jó­nin­degi referendým ótkizý sha­ra­laryna belsene qatysty. Ony qoldap qyrýar qol jı­nal­ǵany oblys­taǵy saıası ahýal­dyń turaq­tylyǵyn aıǵaqtaıdy. Aqmola oblystyq ardagerler keńesiniń tóraǵasy, «Nur Otan» HDP aldaǵy seziniń delegaty Shapaı Ábýtáli­pov­tiń Nursultan Ábishulynyń elimizde kezekten tys saılaý ótkizý tý­raly sheshim qabyl­daýy ar­qyly qoǵamymyzdyń aqyl-oıy­nyń óskenin aıtýyn, «Kók­shetaý mıneraldy sýla­ry» JShS dırektorlar keńe­si­niń tóraǵasy Asqar Álıevtiń salyq túsimin jyl saıyn 2 mıl­lıard teńgege jetkizgenimen, negizsiz tekserýdiń namys­qa tıetinin aıtýyn jón sanadyq. Býrabaı aýdanyndaǵy «Esil-Agro» JShS bas dırektory, ob­lystyq máslıhattyń depý­taty Asylbek Esmaǵambetov Prezıdent Joldaýynda jeke kásip­kerlikti damytýǵa qam­qor­lyq jasalyp otyrǵanyna qanaǵat se­zimin bildirdi. Kásip­oryn jyl ishinde 6500 tonna sút ón­dirip, onyń 16 ataýyn tutyný­shylarǵa usynady eken. Elba­sy­myzdyń ózi kelip, osyn­daǵy zamanalyq mal sha­rýa­shylyǵy keshenin ashqany esimizde. On­daǵy 6 jas mamanǵa turǵyn úı satyp alyp berilipti. Bolashaq osylaı qalyptasady dep túıdik. Buqaralyq jıynda «Ekos» mektep-gımnazııasynyń dı­rek­­to­­ry Roza Lýgovoı jáne Kók­­shetaý qalalyq emhana­sy­nyń bas dárigeri Qorlan Qa­dy­rovaǵa pikir kezegi tıip, olar El­basy N.Nazarbaevtyń bıyl­ǵy «Bo­la­shaqtyń irgesin birge qalaı­myz!» atty Jol­daýy­nyń múl­tik­siz oryndala­ty­nyn óz ujym­daryndaǵy tabystarmen dálel­dedi. Baqbergen AMALBEK. Aqmola oblysy.