Parlament Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Sharl de Goll qorynyń prezıdenti Jak Godfrenmen kezdesti, dep habarlady Qazaqstan Respýblıkasy Parlamenti Senatynyń baspasóz qyzmeti.
Kezdesý barysynda Qazaqstan-Fransııa yntymaqtastyǵynyń máseleleri talqylandy. Taraptar parlamentaralyq baılanystardy tereńdetý eki el halyqtarynyń arasyndaǵy dostyq pen yntymaqtastyqty nyǵaıtýǵa yqpal etetinin atap ótti. «Senat pen Fransııa Ulttyq Jınalysynda parlamentaralyq dostyq toby qurylǵannan beri 20 jyl ishinde júıeli túrde parlamenttik sapar almasýlar bolyp turdy», – dedi I.Adyrbekov.
Senat komıtetiniń tóraǵasy ekonomıkalyq saladaǵy ekijaqty qarym-qatynastar týraly aıta kelip, Qazaqstandaǵy sheteldik ınvestorlardyń eńbek jaǵdaılaryn jaqsartý maqsatynda jańa yntalandyrý sharalarynyń toptamasy qabyldanǵany jaıynda habardar etti. 2005 jyldan bastap, bizdiń elimizde fransýz ınvestısııasynyń kólemi 12 mıllıard dollardan asty, Fransııa azamattarynyń Qazaqstanǵa vızasyz tártippen kelip-ketý múmkindigi kelesi jyldyń sońyna deıin uzartyldy, dedi komıtet tóraǵasy.
Kezdesýge senator Muhtar Altynbaev ta qatysty.