Otstavkaǵa ketýine jospar daıyndaýda

Amerıkalyq The New York Times basylymynyń jazýynsha, AQSh prezıdentiniń ákimshiligi men Egıpet úkimetiniń mú­sheleri prezıdent Hosnı Múbáraktyń otstavkaǵa ketýine jospar daıyndap jatyr. Basylymnyń taratqan málimetteri boıynsha, Múbárak óziniń otstavkaǵa ketýin jarııalaıdy. Al Egıpettiń bıligi ótpeli ke­zeńdegi úkimetke tapsyrylady. Ony eldiń qazirgi vıse-prezıdenti Omar Súleıman basqarady. Qazirgi kezde el áskerıleri vıse-prezıdentke qoldaý kórsetýde. Basylymnyń derekterine qa­raǵanda, ótpeli kezeńdegi úkimet bılikti qolǵa ala salysymen, bir­den kons­tı­týsııalyq reformalar men saılaý zańnamalaryn jetildirýge kirisedi. Prezıdenttik saılaý aldaǵy qyrkúıek aıynda ótýi múmkin. MIаNMADA JAŃA PREZIDENT SAILANDY Parlament 4 aqpanda eldiń jańa prezıdentin saılady. Oǵan osyǵan deıin premer-mınıstr qyzmetin atqarǵan 65 jas­taǵy otstavkadaǵy general Teın Seın prezıdent boldy. Bul týraly Assosheıted press agenttigi habarlady. Teın Seınniń kandıdatýrasyna 659 parlament depýtatynyń 408-i qoldaý kórsetken. Prezıdenttiń ókilettik merzimi – bes jyl. Saıasatkerler jańadan saılanǵan prezıdentti Mıanma memlekettik keńesiniń tóraǵasy, general Tana Shveniń seriktesi dep ataıdy. Bul elde parlamenttik saılaý 20 jyldan soń alǵash ret ótip, parlament te alǵash ret qyzmetine kirisken bolatyn. JAŃA JYLDYŃ ZARDABY AITARLYQTAI Qytaı astanasy – Pekınde jańa jyldy toılaý kezindegi otshashýdan eki adam qaza taýyp, 200-den astam turǵyn jaraqat aldy. Aspanasty elinde jańa jyl 2 aqpannan 3 aqpanǵa qaraǵan túni kiredi. Qytaıda jańa jyldaǵy eń basty merekeniń biri – otshashý. «Novostı» aqparat agenttiginiń habarlaýynsha, jaralan­ǵandardyń basym kópshiligi balalar kórinedi. Pekınde jańa jyldyń alǵashqy saǵattarynda 161 órt tirkelgen, bul ótken jylǵy jańa jyldan edáýir kóp. Al jańa jyldy merekeleý olardyń ádet-ǵurpy boıynsha eki aptaǵa sozylady. SAIаSI REFORMALARDY QOLǴA ALMAQ Reıter agenttiginiń taratqan aq­pa­rattaryna qaraǵanda, Aljır prezıdenti Abdelazız Býteflık 3 aqpanda taıaý kún­deri elde saıası reformalardy bastaý týraly málimdeme jasaǵan. Memleket basshysynyń málimdeýinshe, jaqynda 1992 jyly engizilgen tótenshe jaǵdaı rejimi alynatyn bolady. Tótenshe jaǵdaı 1992 jyly ótken saılaý nátıjesine baılanysty jarııalanǵan bolatyn. Halyqaralyq qoǵamdastyq ony el azamattarynyń quqyǵy men bostandyǵyn shekteıtin, quqyq qorǵaý organdarynyń ókilettigin keńeıtetin shara dep qabyldaǵan edi. TERRORLYQ ÁREKETTER JASAMAQ BOLǴAN Tájikstannyń Avesta aqparat agenttiginiń Ulttyq qaýipsizdik komıtetiniń siltemesine oraı taratqan aqparattary boıynsha, eldiń soltústigindegi Sogdy oblysy aýmaǵynda terrorlyq áreket jasaýǵa daıyndalǵan degen kúdikpen birneshe adam tutqyndaldy. Quqyq qorǵaý organdarynyń aıtýynsha, tutqyndalǵandar terrorlyq áreketterdi eldiń Hýdjand jáne Istaravshan qalalarynda avtokólikterge jarylǵysh zattar qoıý arqyly júzege asyrmaq bolǵan. Jarylǵysh zattar qoıylǵan avtokólikter Hýdjand qalalyq qaýipsizdik komıteti, sondaı-aq ishki ister basqarmasy ornalasqan ǵımarattardyń mańynan tabylǵan. Mundaı terrorlyq áreket ótken jyldyń qyrkúıeginde atalmysh qalada júzege asyrylǵan bolatyn. QYSQA QAIYRYP AITQANDA: • Túrkııanyń astanasy – Ankara qalasyndaǵy ónerkásip oryndary shoǵyrlanǵan aımaqta bir táýlik ishinde eki jarylys boldy. Sonyń saldarynan 12 adam opat bolyp, ondaǵan turǵyn jaraqat aldy. Aldyn ala málimetter boıynsha, eki jarylysqa da gazdyń syrtqa shyǵýy sebep bolǵan. • «Qoǵamdyq pikir» qorynyń júrgizgen saýal­damalary boıynsha, «Domodedovo» áýejaıyndaǵy ter­rorlyq áre­ketterge quqyq qorǵaý organdarynyń qyz­metkerleri men sheneýnikteriniń salǵyrttyǵynan jol berilgen. Suraý salǵandardyń 33 paıyzy osylaı dep jaýap qaıtarǵan. • RLDP-nyń Lıpeskidegi bólimshesi RLDP-nyń bas­shysy Vladımır Jırınovskııdiń kavkazdyqtarǵa qa­tysty aıtqan pikirine narazylyq bildirdi. Aqparat­tarǵa qaraǵanda olar bul pikirlerin hat arqyly joldaǵan. Oǵan partııanyń ondaǵy bólimshesiniń 27 múshesi qol qoıǵan. Internet materıaldary negizinde ázirlendi.