«Kúmiske talasý ǵana qaldy»

Sársenbi  kúni  Al­maty­daǵy halyq­ara­lyq tramplınder kesheninde K-125 tu­ǵy­rynan sekirý jarysy aıaq­tal­dy. Japon­dyqtar­dyń ba­sym­dy­lyǵy jarys bas­tal­ǵannan-aq kórine bas­ta­dy. Birinshi raýndtan keıin olar qalǵan qarsylastaryn art­qa tastap, alǵa sýyry­lyp shyq­ty. Sondyqtan óz­gelerdiń tek kúmis medalǵa talasýdan basqa amaly qalǵan joq. Shańǵymen sekirý sporty bo­ıynsha Qazaqstan qura­ma­synyń úzdik sportshysy Nıkolaı Karpenko K-125 tramplıninde ótken ko­man­­dalyq sekirý saıysy aıaq­talǵan soń kúmis júldeger atan­ǵan­daryna sheksiz qýanyshty ekenin jasyrmady. – Árıne, altyn alamyz ba dep úmittenip edik. Jasyratyn nesi bar, japondyqtar aldyna jan salmaı keledi. О́z «úıimizde» oty­ryp, Japonııa sekildi eń myq­ty qarsylas­tarmen baq syna­sýdyń ózi ońaı emes. Degenmen, óz koman­damyzdyń mundaı jetistigine qýa­nyshtymyn. Eń kerek kezde bir-birimizge súıenish boldyq. Al, jeke basym odan da jaqsy kórset­kishter kórseter edim. Qa­zaq­stan chempıonatynda men 139 metrge se­kirip, ózime de, almaty­lyq tram­plınge de rekord ornat­tym. Bir sózben aıtqanda, kóńilim tola­dy. Sebebi, komandalyq ja­rys­tar­dyń jeke saıystarǵa qara­ǵanda jaýapkershiligi kóp. Bul joly barly­ǵymyz turaqty nátı­je kórsettik. Bul óte jaqsy, – dedi ol. Komandalyq jarys kezinde tuǵyrdan sekirgen qazaqstandyq «ushqysh» shańǵyshy Alekseı Ko­ro­levke jel kedergi jasady. Son­dyqtan, onyń kórsetken nátı­jesi kútkendegideı bolmady. Shyndy­ǵynda solaı bolǵandyǵymen shań­ǵyshynyń ózi de, komanda múshe­leri de kelisedi. Búgingi aýa raıy jarystar­dyń birinshi kúnine qaraǵanda qo­laı­syzdaý bolyp tur. Jel bol­maǵanda men eń úzdik kórsetkishke qol jetkize alatyn edim. Biraq, bizdiń koman­danyń kórsetken jarysyna kóńilim tolady. Ekinshi ret sekirgenimde ná­tı­je jaq­sy boldy. Sportshy­la­ry­myz da tyrysyp-aq baqty. Biz medal alýdy maqsat etken edik. Oǵan eńbegimiz sińgen shyǵar, dedi A.Korolev. Qazaqstan qurama koman­da­sy­nyń eń jas sportshysy Evgenıı Levkın K-125 komandalyq ja­ry­synda tańǵaja­ıyp nátıjege qol jetkizip, ko­man­da­nyń esebine eń kóp upaı qosty. Ol alǵashqy jattyǵýda 119,5 metr qashyqtyqqa sekirse, ekinshi kezekte bul kórsetkishti 123-ke jetkizdi. Sóıtip, asa tájirıbeli qazaq­standyq Nıkolaı Karpenko­nyń ná­tıjesinen asyp tústi. Evgenıı, árı­ne, komandalyq dos­tary­nyń tabys­taryna jáne óziniń qol jetken tabysyna sonshalyq rıza boldy. – Evgenıı, siz búgin Qazaqstan quramasynda eń joǵary nátıje kórsettińiz. Quttyqtaımyz! – Rahmet! Bul tabysyma men qýanyshtymyn. Bizdiń komanda alǵa qoıǵan maqsat mejesine jetti. Bizge jankúıerlerdiń de qol­daýy medet boldy. Kórermen­der­diń mundaı demeýi sportshylarǵa qýat beredi. Bizdiń kúmis medalimiz bar, jan-tánimen beriletin jankúıer­lerimiz bar. Azıadada ótetin sońǵy jarystarǵa biz odan da kúshti qaısarlyq tanytyp shyǵamyz. – Kúmis medal komandany qanaǵattandyrdy ma? – Árıne. Biz óz kúsh-múmkin­digimizdi obektıvti túrde baǵalaı­myz. Altyn medal da artyq bolmas edi. Biraq bizdiń negizgi qarsy­lasymyz – japon­dyq­tar myqty daıyndyqpen kelgendigin tanytty. Qazaqstan qurama komandasy­nyń múshesi Radık Japarovtyń K-125 tramplınindegi komanda­lyq jarystan keıingi kóńil-kúıi 31 qańtarda ótken K-125-tegi jeke ja­rysqa qaraǵanda jaqsyraq boldy. Oǵan tańdanýdyń esh qajeti joq. О́ıtkeni, bul joly Radık jaqsy nátıjeler kórsetti. Alǵashqy tal­pynys­ta Japarov 114,5 metrge, ekinshisinde 122,5 metrge sekirdi. – Meniń óz sekirýlerime kóńi­lim tolady, – dedi Japarov. – Birinshi ja­rys kúninen keıin nátı­jelerime ókin­gen edim. Alaıda, qa­zir biz komanda bo­lyp alǵa qo­ıyl­ǵan mindetterdi atqar­dyq. Al­dyn-ala bol­jan­ǵan­daı, ja­pon­dyq­­­tar myqtyraq bop shyq­ty, olardyń ko­man­da­larynda álem­dik aty bar sport­shylar bar emes pe?! Biraq biz kúmisimizdi óz eńbegimizben jeńip aldyq. Osylaısha, K-125 tramplın jarystarynyń altyn júldesi ja­ponııalyqtardyń alqasyna ta­ǵyl­dy. Azıadanyń altyn medalin ja­pondyqtar arasynda jeke esepte eń úzdik bolǵan Ioshıoka Kazýıa aldy. Komanda bolyp jı­nalyp, olar – 837.6 ball jı­na­dy. Ekinshi orynda – Qazaqstan komandasy – 794.0 ball. Koreıa sportshylary  770.3 ball jınap, qola júldeger atandy. Aınash ESALI.