Aıtpasa sózdiń atasy óledi. Byltyrǵy jyly shilde aıynda Aqsý qalasy aýmaǵyna qarasty Saryshyǵanaq aýylynyń turǵyndary gazetimizge óz ótinish-aryzdaryn jazyp ákelip edi. Onda aýyldaǵy jalpy bilim beretin orta mekteptiń ishinde aýyl ákimdigi, poshta, polısııa bólimshesi, dárigerlik bólmeler, kitaphana – bári birge ornalasqanyn, al, kerisinshe, aýylda jekeshelendirý ýaqytynan beri bos turǵan úıler bar ekenin, nege bulardy turǵyndardyń ıgiligine jaratýǵa bolmaıdy dep saýal tastap, kómektesýimizdi suraǵan bolatyn-dy.
Turǵyndar ótinishine oraı Saryshyǵanaq aýylyna barǵanymyzda tipti, tańqaldyq. О́ıtkeni, qazirgi ákim Orazkeldi Qaıyrkeldınovke deıin bul qalada úsh-tórt ákim aýysyp kelip-ketse de, aýyldyń kúıi osy qalpynda qala beripti. Sodan beri on-on bes jyl ýaqyt ótken. Sóıtip, biz «Jol kartasynan tys qalǵan aýyl» dep gazetke maqala jarııaladyq. Bul másele oblys ákimi Baqytjan Saǵyntaevtyń da nazarynan tys qalǵan joq. Sóıtip, jańa jyldyń aldynda Saryshyǵanaqta jarqyraǵan, jabdyqtalǵan jańa dárigerlik bólimshe ashyldy. Buǵan júregi jaryla qýanǵan aýyl turǵyndary mundaǵy jurttyń jaı-kúıin ashyp jazǵan el gazeti – «Egemenge» yrzamyz, dep otyr.
Farıda BYQAI.
Pavlodar oblysy.