Abaı murajaıyndaǵy ońdy ister

Semeıdegi Abaıdyń memlekettik tarıhı-mádenı jáne ádebı-me­morıaldyq qoryq-murajaıyna áde­bıetshi-ǵalym Jandos Áýbá­kir­diń basshy bolyp kelgenine bir jyldan endi ǵana asty. Sol az ǵana ýaqytqa qaramastan, munda birqatar ıgilikti ister tyndy­ry­lyp úlgerildi. Eń bastysy, osy merzim ishinde hakim Abaıdyń 165 jáne aqyn mura­jaıy­nyń 70 jyl­dyǵy óz máninde rýhanı turǵyda dúrkirep ótti. Osy merekeler aıa­syn­da danyshpan aqyn ómiri men shy­ǵarmashylyǵyn jınap, basty­rý, nasıhattaý isine qatysy bolǵan Múrseıit, Árham, Ahat, Kámen syn­dy tarıhı tul­ǵalardyń mereı­toılary da keńinen atalyp ótildi. Sondaı áserli kesh­ter barysynda qyzyqty derekter molynan aı­tyldy. Muny bir deseńiz, ekinshiden, ótken jyly «Abaı murajaıynyń habarshysy» degen jańa jýr­nal­dyń alǵashqy sany jaryq kórdi. Onyń menshik ıeleri respýblıka Mádenıet mınıstrligi men Abaı qoryq murajaıynyń ózi bolyp tabylady. Jýrnal jylyna tórt ret shyǵady. Onyń alǵashqy sany Mádenıet mınıstri Muhtar Qul-Muhammedtiń quttyqtaý sózimen ashylǵan. Odan áride «Abaıtaný», Shákárimtaný», «Muhtartaný», «Alashtaný», «О́lketaný», «Mýzeıtaný» jáne basqa aıdarlarmen mazmundy maqalalar men tyń derekter jarııalanǵan. Munyń syrtynda osy merzim ishinde «Abaı murajaıynyń ki­tap­hanasy» serııasymen «Abaı tý­raly estelikter» jáne «Mu­tyl­­ǵan­nyń taǵdyry» degen atpen kó­lemdi eki jınaq jáne jaryq kórdi. Abaı men Shákárim ómi­rinen syr shertetin bul dúnıe­likterdiń de aıtary kóp. Atalǵan serııa aıasynda «Abaıdyń memlekettik qoryq-murajaıynyń jádi­ger­le­ri», «Shákárimniń saıat qo­ra­sy», «Kókbaıdyń meshit-mediresesi», «Shá­kir Ábenulynyń mu­ra­jaı-úıi», «Ahmet Rıza mediresesi» ki­tapshalarynyń da jaryq k­órýi ońdy sharýa boldy. Dáýlet SEISENULY, Semeı.