Kólik salasynda jumys kóp

Kólik jáne kommýnıkasııa mınıstrliginde Prezıdenttiń Qazaq­stan halqyna Joldaýynyń negizgi qaǵıdattaryn júzege asyrý jónin­degi mindetterge arnalǵan alqa májilisi bolyp ótti. Kólik jáne kommýnıkasııa mınıstri Ábilǵazy Qusaıynov bıyl­ǵy Joldaýda qoıylǵan mindetter­diń ma­ńyz­dylyǵyn atap ótip, kó­lik-kommý­nıkasııa keshenindegi ba­sym baǵyt­tar­ǵa jáne osy kezge deıin qol jetken jetistikterge toq­tal­dy. Sońǵy 20 jyldyń ishinde kólik salasynda jal­py quny 1,5 trln. teńgeni quraıtyn 57 joba jú­zege asyrylýda. Halyq­aralyq qar­jy ınstıtýttarynan 644,95 mlrd. teńge nemese 4,4 mlrd. AQSh dol­­lary kóleminde zaımdar tartyldy. 2010 jylǵy qyrkúıekte Kólik ınfraqurylymyn damytýdyń 2010-2014 jyldarǵa arnalǵan jańa sala­lyq baǵdarlamasy qabyldandy. Baǵdarlama sheńberinde jalpy quny 2,8 trln. teńgeni quraıtyn 58 ınfraqurylymdyq joba júzege asyrylatyn bolady. Olardyń ish­inde eń mańyzdylary «Batys Eýropa – Batys Qytaı» halyqaralyq kó­lik dálizi, «Qorǵas – Jetigen» já­ne «О́zen – Túrkimenstanmen mem­lekettik shekara» temir jol jelisi jobalary. El táýelsizdiginiń 20 jyl­­dyǵyna qaraı 2011 jylǵy jel­­toqsanda atalǵan jobalardy paı­dalanýǵa berý josparlanýda. Áleýmettik salany jańǵyrtý má­selesine oraı mınıstrliktiń aldyna qa­zirgi tańda erekshe suranysqa ıe aza­mat­tyq avıasııa jáne teńiz kó­ligi úshin ma­mandardy daıyndaý mindeti qoıyldy. Elimizdiń densaýlyq saqtaý jú­ıe­sin jaqsartý jáne myńdaǵan otan­­dastarymyzdyń ómirin saqtap qalý maqsatynda ózekti másele­ler­diń biri – kóliktik medısınany da­mytý. Osy­ǵan oraı, 2010 jyly ja­ńa áleý­mettik joba – «Densaýlyq» atty eki arnaıy mamandandy­ryl­ǵan medısı­na­lyq-dıagnostıkalyq poı­yzdar res­­pýblıkamyzdyń túk­pir-túkpirin aralady. Bıyl 3 me­dı­sınalyq poı­yzdy attandyrý josparlanýda. Ýa­q­­tyly medısına­lyq qyzmet kór­se­týdi qamtamasyz etý úshin 16 tik­ushaqty jáne ae­ro­mo­bıldi gospıtalderdi jumyl­dy­rý qajet. Jol boıynda dárigerlik-qut­qa­rý pýnktterin ornalastyrý karta­syn jasaý qajet. Sonymen qatar, máseleni túbegeıli sheshý maqsa­tyn­da jol-kó­lik apattary jıi bo­la­tyn jalpy uz­aq­tyǵy 2,3 myń km. avtomobıl jol­daryn 2015 jylǵa qaraı 1-shi teh­nı­ka­lyq kategorııaǵa ótkizý josparlanýda. «Egemen aqparat».