Senimge serpin

Elbasy Nursultan Nazarbaev­tyń «Bolashaqtyń irgesin birge qa­laı­myz» atty Joldaýy oblystyq aktıv jı­y­ny­na arqaý boldy. Onda aımaq bas­shy­sy Serik Ahmetov baıandama jasap, bul baǵdarlamalyq qujatta aıqyn­dalǵan birinshi kezekte atqa­ry­latyn is-sharalardy ortaǵa saldy. Sóz oraıynda aıtylǵandaı, ót­ken jyly máshıne jasaý, metallýrgııa salasyn jańǵyrtý boıynsha júrgizil­gen ister men jobalar bı­yl odan ári óristeıdi. 74 mıllıard teńgege eseptelgen 14 jańa joba iske asyrylady. Munyń ózi bir jaǵynan 2,5 myńǵa jýyq adamnyń eńbekke qamtylýyna múmkindik beretindigimen mańyzdy. Ekonomıkany ártaraptandyrýǵa baǵyttalǵan qaryshty qadam qata­ryna aýyl sharýashylyǵyn aldaǵy on jylda damytýdyń baǵdar­la­ma­sy jatady. Ult Kóshbasshysy Jol­daýynda alǵa qoıylǵandaı, tur­ǵyn­dardyń turmysyn jaqsartý, so­ǵan jol ashý úshin kúsh-qabiletti tıimdi jumyldyrý basty nazarda ustala­tyndyǵy ataldy. Jıynda kóp jyl­dan oblysqa tanymal azamat, Sosıalıstik Eńbek Eri, bu­rynǵy shopan, búgin « Batyr» sharýa qojalyǵynyń jetekshisi Saılaý Bilálov aldymen sóz alyp, eli­mizdiń kóz aldymyzda tanyǵysyz óz­ge­rýi Qazaqstan Prezıdenti Nur­sul­tan Nazarbaevtyń eren eńbegi men kóregendik saıasa­tynyń, dana­lyq basshylyǵynyń arqasynda eke­nin jetkizdi. Oblystyq máslıhattyń depý­ta­ty Hadısha Ospanova, «Saran» shah­tasynyń kenshisi Jumamurat Begalıev, Qaraǵandy máshıne jasaý zaýytynyń dırektory Bolat Kenjın, qalalyq №4 emhananyń meń­gerýshisi Saltanat Shaıdarova oı-pikirleri de Joldaýdan týyn­daı­tyn maqsat-mindetterge toǵysty. Aıqyn NESIPBAI, Qaraǵandy.