Bir qyzmetke eki túrli baǵa
Máskeýdiń «Domodedovo» áýejaıyndaǵy jarylysty jasaǵan jankeshtilerdi izdestirý sharalary aıaqtalyp qaldy. BAQ-tardyń beıresmı derekterge súıengen habarlaryna qaraǵanda, ony jasaǵan Ingýshetııa turǵyny Magomed Evloev bolyp shyqty.
Biraq bul habardy resmı organdar áli qýattaǵan joq. Prezıdent D.Medvedev federaldyq qaýipsizdik pen tergeý qyzmeti basshylarymen bolǵan kezdesýden keıin olardyń jumystaryna birqatar syndar aıtty. Sonyń ishinde tergeý tolyq aıaqtalmaı jatyp, qylmyskerlerdiń attaryn jarııalaýyn ózderine pıar jasaý dep baǵalady. Al premer-mınıstr V.Pýtın «ORT» telearnasynyń jýrnalısterine bergen suhbatynda olardyń jumystaryna jaqsy baǵa berdi.