[caption id="attachment_51852" align="aligncenter" width="560"] Foto: livejournal.com[/caption]
Fýtboldan ÝEFA Chempıondar lıgasynyń ekinshi irikteý kezeńinde «Astana» óz alańynda Lıtvanyń «Jalgırıs» komandasymen kezdesedi. astana.gov.kz aqparyna sáıkes, match kezinde keıbir kóshelerde kólik qozǵalysy jartylaı shekteledi.
Keshki saǵat 18:00-den match aıaqtalǵanǵa deıin Qabanbaı batyr jáne Turan dańǵyldary Kereı men Jánibek handar kóshesinen Hýseın ben Talal kóshesine deıin jabylady.
Dástúr boıynsha jankúıerler úshin arnaıy transfer uıymdastyrylady. Avtobýstar «Qazaqstan» sport saraıy, elordalyq sırk, Qajymuqan Muńaıtpasov atyndaǵy stadıon, «Áziret Sultan» jáne «Nur-Astana» meshitteriniń janyndaǵy (shyǵys jaǵynan) turaqtardan júredi. Joldar match sońyna deıin jabyq bolady. Sondyqtan áýejaıǵa baratyn astanalyqtarǵa jáne jaqyn mańdaǵy eldi mekenderdiń turǵyndaryna aınalyp ótý joldaryn aldyn ala josparlaýdy usynady. Eń yńǵaıly jol – Orynbor kóshesi arqyly júrý.
«Matchty kórýge shamamen 25-30 myń jankúıer keledi dep oılaımyz. Osyǵan baılanysty qoǵamdyq tártip pen jol qaýipsizdigin qamtamasyz etý boıynsha keshendi sharalar qabyldaımyz. Eki myńnan astam polısııa jáne ishki ásker qyzmetkerleri jumyldyrylady», – dedi jergilikti polısııa qyzmetiniń basshysy Baqytjan Malybaev.
Sonymen qatar, saǵat 20:30-da «Astana Arena» stadıony arqyly júretin №10, 12, 27, 40, 43, 53, 51 marshrýttary jıileıdi. Jalpy, 100-ge jýyq avtobýs júredi.
Aıan ÁBDÝÁLI