Taıaý Shyǵystaǵy jaǵdaı kúrt kúrdelendi. Iran bıligi Ormu buǵazyn qaıtadan jaýyp, strategııalyq sý jolyn qatań baqylaýǵa alatynyn málimdedi. Tegeran mundaı qadamǵa AQSh-tyń Iran porttaryna qoıǵan teńiz blokadasyna jaýap retinde baryp otyr, dep habarlaıdy Egemen.kz.
Resmı málimetke súıensek, buǵaz arqyly kemeler qozǵalysyna qoıylǵan shekteýler AQSh Iranǵa baǵyttalǵan jáne odan shyǵatyn júkterdiń erkin ótýine ruqsat bergenge deıin kúshinde qalady.
Iran men AQSh eki aptalyq bitimge keldi: Ormuz buǵazy ashylady
Iran tarapy buǵan deıin kelissózder barysynda izgi nıet tanytyp, azamattyq kemelerdiń bir bóligine baqylaýmen ótýge ruqsat bergen bolatyn. Alaıda ırandyq áskerılerdiń aıtýynsha, Vashıngton óz mindettemelerin oryndamaı, teńiz blokadasyn jalǵastyrǵan.
«Osyǵan baılanysty Ormuz buǵazy qaıta jabyldy jáne ol Iran Qarýly kúshteriniń qatań baqylaýynda bolady», dep aıtylǵan shtab habarlamasynda.
AQSh pen Iran arasyndaǵy soǵys saldary: Saýd Arabııasynyń munaı eksporty 50%-ǵa tómendedi