Almatydaǵy Ál-Farabı dańǵylynda qaýipti jarys uıymdastyrǵan júrgizýshiler toby beınebaqylaý kameralaryna túsip qaldy. Qoǵamdyq tártipti elemeı, jol qozǵalysyna qaýip tóndirgenderdiń áreketine qalalyq polısııa departamenti quqyqtyq baǵa berdi, dep habarlaıdy Egemen.kz.
Áleýmettik jelilerge júrgizilgen monıtorıng barysynda anyqtalǵan beınejazbada bir top júrgizýshiniń dańǵyl boıynda asa qaýipti áreketter jasaǵany anyqtalǵan.
Qaraǵandy oblysynda jol apatynan eki adam qaza tapty
Tártip saqshylarynyń málimetinshe, jazbada kelesideı óreskel zań buzýshylyqtar tirkelgen:
Qarsy baǵytqa shyǵyp ketý; Apattyq jaǵdaı týǵyzý; Kólik aǵyny arasynda kedergiler jasaý («shashkı» ádisi); Qaýipsizdik talaptaryn múldem elemeý.Izdestirý bólimshesiniń qyzmetkerleri jarysqa qatysqandardyń barlyǵyn anyqtap, ustaǵan.
Eske salaıyq, 21 naýryzǵa qaraǵan túni Almatyda jol apaty saldarynan úsh adam kóz jumdy. Jol apatynan keıin Almatyda kólik qozǵalysyna baqylaý kúsheıtilip, polısııa basshylary qyzmetinen bosatyldy.