Astanada azamattardyń senimine kirip, iri kólemde alaıaqtyq jasaǵan er adamǵa qatysty sot úkimi shyqty. О́zin qajylyq saparyn uıymdastyrýshy retinde tanystyrǵan ol 17 adamdy aldap, 7,4 mln teńgeden astam qarajatty zańsyz ıemdengen, dep habarlaıdy Egemen.kz.
Tergeý málimetterine súıensek, alaıaq qajylyqqa barǵysy kelgen azamattarǵa jalǵan áýe bıletteri men qonaqúı brondaryn usynǵan. Onyń quryǵyna elimizdiń ár óńirinen kelgen 17 turǵyn ilikken. Jábirlenýshilerdiń arasynda qart ata-analaryn Ýmra saparyna jiberý úshin jyldar boıy aqsha jınaǵan otbasylar da bar.
Astanada qajylyq sapardy jeleý etken alaıaq ustaldy
Sot talqylaýy barysynda aıyptalýshy óz kinásin tolyq moıyndap, jábirlenýshilerge keltirilgen materıaldyq zalaldy tolyǵymen ótegen. Sot sheshimimen oǵan 3 jyl merzimge bas bostandyǵyn shekteý jazasy taǵaıyndalyp, probasııalyq baqylaý belgilendi.
Osy oqıǵaǵa baılanysty qalalyq prokýratýra azamattardy barynsha saq bolýǵa shaqyrady:
Qajylyq nemese Ýmra saparyn uıymdastyrýmen tek arnaıy lısenzııasy bar týrıstik agenttikter ǵana aınalysýy tıis. Aqshany tekserilmegen jeke tulǵalardyń shotyna aýdarý – úlken qaýip. Kez kelgen qyzmet túrin almas buryn resmı kelisimshart jasasý qajet.