Qazaqstanda sybaılas jemqorlyqqa qatysty qylmystyq isterdiń sany kemı bastady. Bas prokýratýra Quqyqtyq statıstıka jáne arnaıy esepke alý jónindegi komıtetiniń málimetinshe, bıylǵy jyldyń alǵashqy úsh aıynda 407 is tirkelgen. Al 2025 jyly jalpy sany 976 jemqorlyq isi tirkelip, bul kórsetkish aldyńǵy kezeńdermen salystyrǵanda 9,6 paıyzǵa tómendegen, dep habarlaıdy Egemen.kz.
Ranking.kz dereginshe, qylmystyq isterdiń azaıýymen qatar, jemqorlyq jasady dep aıyptalǵan sheneýnikterdiń de sany kemip otyr. 2020-2025 jyldar aralyǵynda barlyǵy 8,4 myńǵa jýyq adam jemqorlyq qylmystary boıynsha kúdikti dep tanyldy.
Jyl saıyn orta eseppen 1,3-1,6 myń adam kúdikti mártebesin alady. 800-den astam sheneýnik sot ústeline otyrady.
Aqtóbe oblysynda sheneýnik pen eki depýtat 672 mln teńge jymqyrǵan
Erekshe atap óterligi, 2020 jyly 1 myńǵa jýyq adamnyń isi sotqa joldansa, 2025 jyly bul kórsetkish 758 adamǵa deıin azaıǵan.
Sarapshylar 2020-2025 jyldar aralyǵynda sotqa tartylǵan memlekettik qyzmetshilerdiń reıtıngin jasady. Osy ýaqyt ishinde barlyǵy 5,1 myńnan astam adam sotta aıyptalýshy mártebesin alsa, sonyń 3,2 myńy tikeleı memlekettik qurylym qyzmetkerleri.
Ulytaý oblysynda bás tikken sheneýnikter jumysynan bosatyldy
Jemqorlyq reıtınginiń alǵashqy úshtigi:
Ákimdikter jáne olardyń qurylymdyq bólimsheleri: 6 jyl ishinde 1 myńnan astam sheneýnik sotty boldy. Sonyń ishinde 44 ákim para alý, laýazymdyq ókilettigin asyra paıdalaný nemese ózge de qylmystar úshin aıyptaldy. Ishki ister organdary: 912 qyzmetker jemqorlyq qylmysy boıynsha aıyptalyp, sotqa tartyldy. Qarjy mınıstrligi: Atalǵan vedomstvonyń 180 qyzmetkeri jemqorlyqpen ustalyp, jaýapqa tartylǵan.