Nazarbaev ýnıversıteti aqynnyń týǵan kúnin atap ótti

Búgingideı elimizdiń gúldengen shaǵyn kózben kórgendeı etip aqyn Muqaǵalı Maqataev «Bilemin bir keremet kún týady, Jan-jaǵym jan­nattaıyn qulpyrady», degen eken. Shynynda, Arqa tósindegi jas qala­da álemdik deńgeıdegi bilim beretin ýnıversıtet ashylyp, onda júzden júırik shyqqan 500 talantty bala­nyń oqyp jatqany belgili. Mine, sol oqý orny «Seksen jasap, segiz sóz qaldyrmaǵan, áldekimniń taǵ­dyry buıyrma­syn» dep artyna ushan-teńiz jyr jaýha­ryn qaldyr­ǵan jyr jam­pozynyń 80 jyldyq me­reı­toıyn atap ótip, ony uıym­dastyrýshy ustazdar men stýdentter birinshi rýhanı keshimizdi Muqa­ǵalıdyń týǵan kúninen bastaýdy jaqsy yrymǵa baladyq, dedi. Kesh týra­ly alǵashqy sózdi ýnıversı­tet­tiń vıse-prezıdenti Qa­dısha Da­ıyro­va bastap, kelgen qo­naqtarǵa bilim alyp jatqan jas­tar­dyń 92 pa­ıy­zy óz qandastary­myz ekenin maq­ta­nyshpen aıtty. Aqynnyń «Poezııa» degen týyndysyn Iý.Nehoroshıh qazaq tilinde zaýlatsa, «Farızany» Á.Ábil­ǵazıev dombyramen tógildirdi. Al «Aqqýlar uıyqtaǵanda» atty týyndysy boıynsha sahnalyq qo­ıy­lym kóńilden shyqty. Ásirese, Dına Asqarova oınaǵan ana beınesi júrek terbetpeı qoımady. Qanatyn keńge jaıyp kele jat­qan irgeli oqý ornynda ótken keshke qazaqtyń aqıyq aqyn qyzy Farıza Ońǵarsynova qatysyp: «Na­zar­baev ýnı­versıteti ashylǵan­d­a, qatty qýan­dyq. Onda oqıtyn­dar kim eken, ult rýhyn qasterleı alar ma eken, degen kúdik te bolmaı qoımap edi. Endi kúdikti úmit jeńdi. Osyndaı keshti uıymdas­tyrǵan meniń ǵalym sińilim Gúl­tas Qurmanbaı bastaǵan stý­dent­­terdiń Qurmanǵazynyń «Bal­by­raýy­nyn», Dınanyń «Naýaıyn», Nurǵısanyń «Aqqýyn» oryndap, aqyn óleńiniń mánin buzbaı jatqa aıtyp, sózine jazylǵan ánderdiń yrǵaǵymen bı-bılep jatýy aqyn­ǵa kórsetken qurmeti dep bilemin. Muqaǵalı qazir Abaıdan keıin kóp oqylatyn aqyn. Men jas­tarǵa aqynnyń beınetin emes, aby­roı-ataǵyn tileımin» dese, senator Ádil Ahmetov jyr dúldú­liniń óleńderi­ne mysal keltire otyryp, «О́lmeı­tuǵyn artynda sóz qaldyrǵan» degen osy, dedi. Senator Ǵarıfolla Esim biz keńes dáýirinde qyzmetti oılap, dinnen qol úzip qalǵan tusta Muqaǵalı aqynnyń: «Din – ǵylym atasy» deýi onyń kóregendigi degen baılamyn ortaǵa saldy. Keshte professor S.Negımov aqyn óleń­de­rin­degi sheshendik ıirimderge toq­talsa, «Nurıkom» kompa­nııa­synyń prezıdenti N.Qudaı­ber­g­enov oqý orny stýdentteriniń Mu­qaǵalıǵa kór­setken  qurmetine dán rıza­ly­ǵyn bildirip, Abaı óleńderin oqı­tyn «sıqyrly» qalamdy syıǵa tart­ty. Sonymen, talanttar oqıtyn oqý orny talantty aqynǵa osylaı­sha qurmet kórsetti. Súleımen MÁMET.