[caption id="attachment_53312" align="aligncenter" width="560"] Foto: askeri.sud.kz[/caption]
Elimizdiń Áskerı sottary salasynda zamanaýı aqparattyq tehnologııalar keńinen qoldanyla bastady. Áskerı sot tóraǵasy Sáken Abdýllaev bul týraly Ortalyq kommýnıkasııalar qyzmetinde ótken brıfıngte málimdedi.
«100 naqty qadam» Ult josparynyń 20-qadamynda barlyq sot úderisterin dybystyq jáne beıne tirkeý qurylǵylarymen qamtamasyz etý mindeti qoıylǵan bolatyn. Bul – sot tóreliginiń ashyqtyǵy men onyń qoljetimdiligin arttyratyn qadamdardyń biri. Sáken Júsipahmetulynyń aıtýynsha, jyldyń alǵashqy jartysynda áskerı sot prosesteriniń 99,4% dybystyq jáne beıne tirkeý júıesin qoldaný arqyly qaralǵan.
«Búgingi kúni áskerı sottardyń sot otyrysy zaldarynyń 69,6% dybystyq jáne beıne tirkeý júıesimen jabdyqtalǵan. Jyl sońyna deıin barlyǵyn tolyq jabdyqtaý josparlanyp otyr», – deıdi Áskerı sot tóraǵasy.
Sonymen qatar, sot otyrystaryna qatysýshylardy habardar etý isi de avtomattandyrylǵan. Bul jumys búginde Sot kabıneti, SMS-habarlamalar, gıbrıdtik elektrondyq poshtalar, sondaı-aq memlekettik organdar arasyndaǵy elektrondyq qujat aınalymy júıeleri arqyly júzege asyrylýda.
Nurlybek DOSYBAI