[caption id="attachment_53322" align="aligncenter" width="560"] redorbit.com[/caption]
Solar Impulse 2 ushaǵy alǵashqy ret Jer sharyn aınalyp ótip, Birikken Arab Ámirlikterine qondy, dep habarlady jobanyń uıymdastyrýshylary.
vz.ru-dyń málimeti boıynsha, tek kún sáýlesiniń qýatyn paıdalanatyn Solar Impulse 2 ushaǵy óz saıahatyn 2015 jylǵy 9 naýryzda Ábý-Dabı qalasynan bastady. Ol jolda Oman, Úndistan, Mıanma, Qytaı, Japonııa jáne AQSh-tyń birneshe qalasyna aıaldady.
Budan buryn Solar Impulse ushaǵynyń birinshi úlgisi 2011 jyldyń jazynda halyqaralyq jáne transkontınentaldyq áýe saparlaryn júzege asyrǵan bolatyn. Kompanııa Jer sharyn janarmaısyz aınalyp ótip, sol arqyly, jańartylmaıtyn qýat kózderiniń balamasy bar ekenin dáleldeýdi maqsat etken. Alaıda, atalǵan maqsatqa qol jetkizý úshin budan da jetildirilgen ushaq qajet boldy. Ony daıyndaý jumystary 2012 jyly bastaldy.
Solar Impulse 2 bir oryndyq ushaǵy alǵashqy «kúnushaqtyń» jetildirilgen úlgisi. Qanattarynyń qulashy 72 metrdi quraıtyn bul ushaqtyń salmaǵy nebári 2,3 tonna. Bul – avtokóliktiń salmaǵymen para-par. Tórt elektr qozǵaltqyshynyń jabdyqtaý qanatyna jańartylatyn qýat kózi bar 17 myń kún batareıasy ornatylǵan. Jyldamdyǵy aýa raıyna baılanysty saǵatyna 50-den 100 shaqyrymǵa deıin barady.
Aıdar О́RISBAEV