Búgin Táýelsizdik saraıynda «Nur Otan» HDP-nyń kezekti HIII sezi ótedi

El senimin eselegen partııa

Qabyldaý bólmeleri – qajet qurylym

О́tken jyly partııa qoǵamdyq qabyldaý bólmesine 78 944 óti­nish-aryz kelip tússe, bul – 2009 jylmen salystyrǵanda 10 981-ge artyq degen sóz. Sondaı-aq, byl­tyr partııa qoǵamdyq qabyldaý bólmesinde 47 000-nan asa aza­mat­qa keńes berilse, bul al­dyn­daǵy jyl­men salystyrǵanda 12 532-ge kóp. Qoǵamdyq qabyldaý bólme­si­niń jumysyn odan ári jetildirý, turǵyndardyń máselelerin jedel sheshý jáne azamattardyń ótinish­terin shuǵyl qaraý boıynsha «Nur Otan» HDP ókilderi memlekettik organdardyń jaýapty qyzmetker­lerimen, sondaı-aq partııa fı­lı­aldary qoǵamdyq qabyldaý ból­meleriniń meńgerýshilerimen jıi bas qosyp turady. Mundaı kez­desýlerdiń tıimdiligi sol, barlyq memlekettik organdarda qoǵamdyq qabyldaý bólmelerimen ózara is-qımyl jasaıtyn jaýapty qyz­metker anyqtalady. Jyl ishinde oblystyq, qala­lyq jáne aýdandyq máslıhat­tar­dyń de­pýtattary elimizdiń aımaq­tarynda 7 157 qabyldaý júrgizip, 16 000-nan asa azamatty qabyl­da­dy. Azamattar ózderiniń ótinish-talap­ta­ry boıynsha tıisti keńes­ter men naqty túsiniktemeler aldy. Májilis depý­tat­­tary da Orta­lyq apparattyń qo­ǵamdyq qa­byl­daý bólmesinde 77 qabyldaý júr­gizip, 978 adamdy qabyldady. Jumys ádisteri men tásilderin keńeıtý baǵytynda da oń ister jal­ǵastyryldy. Máselen, Or­ta­lyq apparattyń qoǵamdyq qabyl­daý bólmesinde Bas prokýra­týr­a­nyń, Eńbek jáne halyqty áleý­mettik qorǵaý mınıstrliginiń, Eko­nomıkalyq jáne sybaılys jem­qor­lyqpen kúres jónindegi agent­tiktiń, Jer resýrstaryn basqarý agenttiginiń, Ádilet mınıstrligi Tirkeý qyzmeti komıtetiniń, Sot ákimshiligi komıtetiniń ókilderi 254 adamdy qabyldap, 112 talap-ótinish boıynsha túsiniktemeler berdi. Byltyr respýblıka boıynsha áleýmettik máseleler jóninde «Bi­ryńǵaı qabyldaý kúni» aksııa­sy bolyp ótti. Oǵan Májilistiń, máslıhattardyń de­pý­tattary, mem­lekettik jáne qu­qyq qorǵaý or­gandarynyń basshy­lary qatysty. Aksııaǵa 1 800 adam qatyssa, 250 adamnyń óti­nishi sheshimin tap­ty, 600 óti­nish memlekettik jáne qu­qyq qor­ǵaý organdaryna qaraý úsh­in jiberildi, 950 ótinish boı­yn­sha tıisti túsiniktemeler berildi. Utymdy jumys tásiliniń biri – IIM Jol polısııasy komıtetimen ózara birigip, «Jolda qa­byl­daý» aksııasyn uıymdastyrý. Os­yndaı jumys formasy máse­le­lerdi jergilikti jerlerde tikeleı sheshýge múmkindik týǵyzyp otyr. О́tken jyly eki márte res­pýb­lıkalyq «Jolda qabyldaý» ak­sııa­sy ótip, shara barysynda jergilikti oryn­darda turǵyndarmen «jandy baı­lanys» ornatyldy. Qa­byldaýda 1 035 azamat bolyp, 1000 azamattyń ótinishi qana­ǵat­tan­dyryldy. Qashyq eldi mekenderde tura­tyn azamattardyń problema­la­ryn sheshý maqsatynda qoǵamdyq qa­byl­daý bólmesiniń qyzmetker­leri atqarýshy jáne quqyq qorǵaý or­gan­darynyń ókilderimen birigip, kósh­peli kezdesýler ót­ki­zip tura­dy. Mysaly, ótken jyly Or­ta­lyq ap­pa­rattyń qoǵamdyq qa­byl­daý ból­me­siniń qyzmetker­leri óki­letti or­gan­dardyń ókil­deri­men birigip, Qa­raǵandy oblysy, Nura aýdanynyń bes eldi mekeninde qa­byldaý júr­gizdi. Jyl boıyna respýblıka boı­yn­sha 1 257 kóshpeli qabyldaý ótti. Advokattar odaǵynyń ókilderi Ortalyq apparattyń qoǵamdyq qa­byldaý bólmesinde 206 aza­mat­qa tegin quqyqtyq kómek kórsetti. Almaty, Shyǵys Qazaqstan jáne Soltústik Qazaqstan oblystar­y­nyń aımaqtyq qoǵamdyq qabyl­daý bólmelerinde advokattar ók­il­deri osyndaı tájirıbeni júzege asyrdy. Partııanyń Aqmola ob­lys­tyq fılıalynda joǵary oqý oryndarynyń zań fakýltetinde oqıtyn stýdentter azamattarǵa qu­qyqtyq keńes berdi. Osyndaı tá­jirıbe L.N.Gýmılev atyndaǵy Eýrazııa ulttyq ýnıversıtetiniń «Nur Otan» partııasy bastaýysh uıy­myn­da da júzege asyrylyp keledi. Byltyr Ortalyq apparattyń qo­ǵamdyq qabyldaý bólmesiniń qyz­metine jumystyń jańa for­ma­sy engizildi. Máselen, Ortalyq appa­rattyń qoǵamdyq qabyldaý bólmesi men Astana fılıalyna nesıe alý, ıpotekalyq nesıeni qaıta qar­jy­landyrý, baspanany jalǵa alý já­ne «Jol kar­ta­sy-2020» baǵdarla­ma­sy boıynsha ótinishtiń kóptep túsýine oraı azamattarǵa keńes berý úderisteri júzege asyryldy. О́tken jyly partııa qoǵamdyq qabyldaý bólmesine kelip túsken ótinishterge taldaý júrgizgende ol­ardyń altydan biri turǵyn úı-kommýnaldyq sharýashylyq sala­sy máselelerine qatysty ekeni anyqtaldy. Sonymen birge, Advokattar odaǵynyń ókilderi Or­talyq apparattyń qoǵamdyq qa­byl­daý bólmesinde qyrkúıek aıy­nan turaqty negizde «Sha­ńy­raq» jobasyn bastady. «Qoǵam­dyq qor­ǵaýshy» RQB jumysy aıa­synda 82 adamǵa turǵyn úı-kom­mý­naldyq sharýashylyq másele­le­ri boıynsha tegin kásibı ke­ńester berildi. Aımaqtyq qoǵamdyq qabyldaý bólmeleriniń qyzmetin yntalan­dy­rý jáne jandandyrý maqsa­tyn­da «Nur Otan» HDP «Eń úzdik qoǵamdyq qabyldaý bólmesi» baı­qaýyn uıymdastyrdy. Ol eki ke­zeńde ótti. Baıqaýdyń ekinshi ke­ze­ńiniń nátıjesi boıynsha Orta­lyq komıssııanyń qaraýyna 16 aımaq­tyq jáne 47 aýmaqtyq qo­ǵamdyq qabyldaý bólmeleriniń materıal­da­ry usynyldy. Qory­tyn­dysy ja­qyn arada shyǵa­ry­latyn bolady. «Nur Otan» HDP-nyń Or­ta­lyq apparaty men túrli deńgeı­degi fılıaldary qoǵamdyq qa­byl­daý bólmeleriniń jumysyn al­­daǵy ýaqytta belsendilendire tú­setin bolady. Jumajan JÚKENOV, «Nur Otan» HDP Ortalyq apparaty Qoǵamdyq qabyldaý bólmesiniń meńgerýshisi.

«Ne degen baqytty ediń, keler urpaq»

Bıyl el Táýelsizdiginiń 20 jyl­dyǵy, sáýir sátinde prezıdenttik saılaý ótpek. Al Elbasy jetekshilik etetin «Nur Otan» par­tııa­sy óziniń HIII sezi qarsa­ńyn­da tur. Mine, osyndaı aý­qym­dy sharalar árbir sanaly aza­mat­tyń at­salysýyna negiz bolsa kerek. Buǵan deıin «Nur Otan» par­tııa­synyń aýmaqtyq, aımaqtyq fı­lıaldarynda esep berý jáne saılaý konferensııalary ótkeni belgili. Árıne, jıyn ótkizý aı­tý­ǵa ońaı bolǵanymen, shyn máninde jaýapkershilik júgi aýyr. Sol sebepti, partııanyń Qyzylorda ob­lystyq fılıalynyń VIII kon­fe­rensııasyna «biz ne bitirdik» degen saýaldy aldymyzǵa qoıdyq. Bir jyldyń ishinde partııa tara­pynan oblysta on myń­daǵan is-shara uıymdastyrylsa, odan júz myńdaǵan kisi qýat­tan­dy. Memleket baılyǵyna janashyrlyq, qo­ǵamda qylmys­tyń aldyn alý, qu­rylys alań­da­rynda sapa saıasa­tyn ustaný – bári-bári «Nur Otan­nyń» mindetine kiredi. Iаǵnı, partııa aralas­paıtyn birde-bir sala joq dese de bolady. Bir ǵana mysal, Syrdarııa aý­da­nynda «Nur Otan» partııa­sy­nyń qoldaýymen aýqymdy aksııa ótip, ol talaı júrekke jylýyn jaqty. Partııa úshin eldi qý­ant­qannan artyq mártebe joq. Sol úrdispen tikushaq apatynan múge­dek­tikke tańylǵan jýrnalıst Meı­rambek Shildebaevqa, Almaty qa­la­syna emdelýge baratyn Qura­laı Ertileýovaǵa qomaqty qara­jat berildi. Osyndaı sharapattan Marat Saqtapov (múgedek bala­syn emdetý úshin), sondaı-aq ata-anasynan aıyrylǵan, joǵary oqý ornynda oqıtyn grant ıesi Jazıra Omarova da tys qalǵan joq. Partııa fılıaly atyna jazyl­ǵan myna ótinish kim-kimniń de kó­ńilin aýdararlyq edi. «Men, Gaýhar Aıapova Tereń­ózek kentindegi Tájibaev kóshesi, №15 úıde páter jaldap turamyn. Úsh perzentim bar, ekeýi múgedek, deni saý balam mektep jasynda. Kúıeýim tastap ketti. О́zim O.Má­libaev atyndaǵy aýyldyq klýb­ta jarty stavkada eden jýamyn. 9 400 teńge tabysym men múge­dek­tikke beriletin járdem­aqy tamaq, páteraqy men dári-dár­mek­ke áreń jetedi. О́mirden tú­ńilip kettim. Amal joq, balalarym úshin áli kerek ekenimdi uǵamyn. Bala el bolashaǵy ǵoı, meıli ol múgedek bolsyn, qoǵamnyń mú­sh­e­si emes pe? Maǵan «Nur Otan» par­tııa­synan basqa eshkim kómek kórsete almaıtynyn sezemin. Kósh­basshy partııa qaı iste de alda júr ǵoı, bálkim, meniń de taǵ­dy­ryma aralasa alar. Sizderge úmit qosyp, bir amalyn tabady dep senimmen ótinish jazyp otyrmyn». Árıne, ótinish erikkennen ja­zylmaǵan. Astary tereń, aýyrt­pa­lyǵy zildeı. Partııa Tóraǵasy Nursultan Nazarbaevtyń partııa fılıaldary janyndaǵy qoǵam­dyq qabyldaý qyzmetin barynsha jan­dandyryp, halyqtyń muń-muq­­­ta­jyna beı-jáı qaramaý tý­ra­ly tap­syrmasy bizdiń basty mindetimiz. Endeshe, Gaýhardyń óti­­ni­shin qa­laı­da qanaǵattan­dy­rý­dyń, ony she­shýdiń jolyn izdeý qajet. Munyń aldynda dál osyndaı ótinish aýdandyq mádenıet úıiniń qyzmetkeri Ázız Sadyqovtan da kelgen. Aýdannyń mádenıeti men ónerine úlesi mol azamat baspana máselesinen tarshylyq kórip ot­yrǵanyn jazǵan eken. Partııanyń aýdandyq fılıa­ly­nyń tóraǵasy osy máselege baı­lanysty úlken janashyrlyq ja­sady. Adam taǵdyry, baspana má­selesi qaı kezeńde de kún tár­tibinen túspegen ótkir jáıt qoı. Solaı bola tursa da, aýdan or­ta­lyǵyndaǵy jataqhana úlgisindegi bos úıdi bıýdjetten tys qarjy kózderi arqyly qysqa ýaqytta tolyq jóndeýden ótkizip, segiz ot­basyna kiltin tapsyrdy. Solar­dyń ishinde Gaýhar Aıapova men Ázız Sadyqov ta bar. Gaýhar qýa­nyshtan kózine jas alyp, alǵy­syn jaýdyrdy. «Nur Otan» HDP uzaq merzimdi mindetterdi júzege asyrýdy negizge ala otyryp, osy­laısha el damýymen birge bıik beleske qadam basyp keledi. El Prezıdenti, «Nur Otan» HDP Tóraǵasy Nursultan Nazar­baevtyń bastamasy boıynsha áz­ir­lengen Qazaqstan Respýblı­ka­sy­nyń 2020 jylǵa deıingi damý stra­te­gııasy taıaýdaǵy onjyl­dyq­qa ar­nal­­ǵan áleýmettik-ekono­mı­kalyq jos­parmen qatar, saıası baǵdardy da aıqyndap berdi. Ishki saıasatta beıbitshilik pen kelisimdi, qoǵam­nyń turaqtylyǵy men ornyqty da­mýyn saqtaý negizgi maqsattar bo­lyp qala beredi. Son­­dyqtan, bú­gin­nen erteńniń, er­­­teńnen bola­shaq­tyń jarqyn ekenine kámil senimdimiz. Qyzylorda oblysynda ındýs­trııa­lyq-ınnovasııalyq 12 joba­nyń tusaýy kesildi. Bul, aımaq­tyń ósip-órkendeýine zor yq­pa­lyn tıgizýde. Munan bólek, «Jol kar­tasy», «100 aýrýhana, 100 mektep» baǵdarlamalary el ómirin ór­kenıet kóshine jaqyndata tústi. Al «Batys Eýropa – Batys Qy­taı» halyqaralyq avtomagıstrali jol júıesin jaqsartýmen qatar, óndiristi, ómirdi oń ózgeristerge jeteleı tústi. Osy baǵyttaǵy irgeli ister halyqtyń áleýmettik ahýalyna erekshe dem berdi. Bul oraıda, jaýapty jumystardy jú­ıe­­sinen adastyrmaı, qarjynyń maq­­­satty jumsalýyn qadaǵalap, sa­­pasyn saqtaýdy baqylap otyr­ǵan «Nur Otannyń» orny bólek. Partııa tarapynan pármendi ba­qy­laý kúsheıip, qazir oblys aý­ma­ǵynda 735 múshesi bar 245 par­tııa­lyq baqylaý beketi jumys isteıdi. Meniń ótken jyly «El-jurt hám Elbasy. Nash Lıder» dep ata­latyn kitabym jaryqqa shyqqan edi. Onda qarapaıym el adam­da­rynyń Elbasyna degen qurmeti, júrekjardy kóńilderi laıyqty kórinis tapqan. Al basty ereksheligi – Prezıdent ókilettigin uz­artýdy usynǵan lebizder bolatyn. Asyly, aýyl adamynyń saıası saýaty, quqyqtyq tanymy qala turǵynynan bir mysqal kem emes. Meniń soǵan kózim jetti. Elbasynyń sarabdal saıasa­ty­nyń arqasynda bizder beıbit ómir súrip jatqan baqytty jandar­myz. Nursultan Ábishuly tek el basqarýshy ǵana emes, ol iri qaı­ratker, iri saıasatker, tereń de kóregen reformator! Jalpy, el men Elbasy egiz uǵym. Prezıdentti eldik asyl murattardy bıikke kótergen, ulttyq mereıdi, ult­tyq qundylyqtardy jańǵyr­typ, Otanymyzdy álemge tanyt­qan, qazaqtyń mańdaıyna shyraq bolyp janyp, saıyn dalasyna sáýlesin shashqan sańlaq ul, dara tulǵa, dana bolmys dep bilemin. Kezinde qazaqtyń qara óle­ńi­niń has sheberi Qasym Amanjolov: «Ne degen baqytty ediń, keler urpaq», degen eken. Shynynda da, biz adal eńbegimizben egemen elimizdiń er­te­ńin eńseli etýge óz úlesimizdi qo­syp júrgen baqytty urpaqpyz. О́lmeshan BOLATBEKOV, «Nur Otan» HDP Qyzylorda oblystyq fılıaly tóraǵasynyń birinshi orynbasary, partııa  HIII seziniń delegaty.

Bólingen qarjy ıgerilmeı qalyp otyr

Eldegi shaǵyn jáne orta bıznes el eko­nomıkasyna eleýli kiris ákeletin úlken tetik ekeni belgili. Basqasha aıtsaq, ol – memleket ekonomıkasynyń tiregi. Elbasynyń birer jyl buryn óńirlerdegi kásipkerlikti damytý jóninde biryńǵaı bıýdjettik baǵdarlama engizilýin qamtamasyz etýdi tapsyrǵany, al 2010 jyldan bastap «Bıznestiń jol kartasy – 2020» jobasynyń qolǵa alynǵany osy bir oń nıetten týyndaǵany anyq. Búginde atalǵan baǵdarlamanyń iske asy­rylýyna baqylaý júrgizý «Nur Otan» HDP-nyń moınyna júktelgen. Jýyrda partııanyń elordadaǵy Ortalyq apparatynda Parlament Májilisiniń depýtaty Gúljan Qaraquso­va­nyń tóraıymdylyǵymen ótken Memlekettik qarajattyń paıdalanylýyn baqylaý jónin­degi komıssııanyń kezekti otyrysynda atal­ǵan baǵdarlamanyń oryndalý barysy men jaı-kúıi súzgiden ótti. Bir atap óterligi, atalǵan memlekettik joba áý bastan óńirlerdegi kásipkerliktiń jan­danýyn, jańa bıznes bastamalaryn qoldaý­dy, kásipkerlik sektordy «saýyqtyrýdy» sondaı-aq, kásipkerlik áleýetin nyǵaıtýdy kózdegendikten týǵan, al memleket tarapynan óz sharýasyn dóńgeletýge bel býǵan isker jandarǵa sýbsıdııa túrinde qarajat bólingen. Degenmen, otyrysta belgili bolǵany: arnaıy júrgizilgen taldaý nátıjeleri kórsetkendeı, bul qarajat túrli sebeptermen kásipkerlerge tolyqtaı jetpegen. Máselen, ótken jyly «Bıznestiń jol kartasy – 2020» jobasynyń 2 birdeı baǵdarlamasyna memleket qorjy­nynan 13,8 mlrd.-tan astam teńge bólinse, onyń tek jartysyna jýyǵy, ıaǵnı 47 paıyzy ǵana ıgerilgen. Al qalǵan 7 mlrd.-qa jýyq qarjy «jelge ushqan». Otyrysta sóz alǵan Ekonomıkalyq damý jáne saýda vıse-mınıstri Marat Qusaıynov «Bıznestiń jol kartasy – 2020» baǵdar­la­masy boıynsha atqarylǵan isterdi tizbektep ótti. Desek te, komıssııa músheleriniń basym kópshiliginiń pikirinshe, atalǵan baǵdarlama áli de óz júıesin tappaǵan. Muny bireýler jergilikti jerlerdegi kásipkerlerdiń kásibı belsendiliginiń tómendigimen jáne memleket usynǵan jeńildikterdi durys paıdalana al­maý­larymen baılanystyrsa, endi bireýleri bul kemshilikti bólingen qarajattyń durys taratylmaýynan deıdi. Sondaı-aq, qazirgi ýa­qytta baǵdarlama aıasynda aımaqtardy qar­jy­landyrýdyń keıbir ádis-tásilderi qaıta qaralmaǵan kórinedi. «Bul shaǵyn jáne orta bıznestiń qarajatqa qoljetimdiligin tómen­de­tip otyr», – dedi jıynǵa qatysýshylar. «Bizdi qazirgi ýaqytta qarjynyń bólingeni emes, onyń ıgerilmeı qalýy alańdatyp otyr. Qarjynyń bólinýi – baǵdarlamanyń tap-tuınaqtaı oryndalǵanyn bildirmeıdi. Son­dyq­tan, qarajattyń qalaı jumsalyp jatqa­ny emes, sol jumsalǵan qarjynyń qandaı oń nátıjege alyp kelgendigi mańyzdy. Másele, mine, osynda. Iаǵnı, ıgerilgen qarjy tek qaǵaz júzinde kórinbeı, el ekonomıkasyna belgili bir deńgeıde paıdasyn tıgizýi kerek. Bizge eski kásiporyndardyń «tynystaǵany» kerek emes, bizge básekege tótep beretin jańa ká­siporyndar kerek. Osy oraıda, jumysty shı­­ratýymyz qajet. Ár máselege júıeli túr­de kel­genimiz jón. Sebebi, «Bıznestiń jol kar­ta­sy – 2020» jobasy tek shaǵyn jáne orta ká­sipkerlikti qoldaýǵa ǵana emes, ony jań­ǵyr­týǵa baǵyttalǵan», – dedi Gúljan Qaraqusova. Jıyn sońynda túıtkildi máselelerdi sheshý jáne aıqyn bolǵan kemshilikterdi joıý boıynsha memlekettik jáne basqa da múddeli organdardyń atyna usynystar ázirlendi. Láıla EDILQYZY. Sezd qaraýyna engizildi Keshe «Nur Otan» halyq­tyq-demokratııalyq partııa­sy­nyń or­talyq baqylaý-revı­zııa­lyq ko­mıssııasynyń jıyny ótip,  par­tııanyń ortalyq ba­qy­laý-re­vı­zııa­lyq komıssııa­sy­nyń jáne qar­jylyq sharýa­shy­lyq qyzmetiniń 2006 jyldan bastap, 2010 jylǵa deıingi es­ep­tik kezeńiniń jumys qory­tyn­dylary talqylandy. Jıyn qorytyndysy boı­yn­sha «Nur Otan» HDP or­talyq ba­qylaý-revızııalyq ko­mıssııa­sy­nyń esebi maqul­da­nyp, ony par­tııanyń XIII se­zinde qaraýǵa engizý týraly sheshim qabyldandy, dep habar­la­dy «Nur Otan» HDP-nyń bas­pasóz qyzmeti.

Qamqorlyq kórgenderdiń birimin

Budan uzaq jyldar buryn ot­basymyzben aýyldyq jerden ob­lys ortalyǵyna qonys aýdardyq. О́zim Saqtaǵan Báıishev atyndaǵy oblystyq ǵylymı-ámbebap kitap­ha­naǵa, joldasym zaýytqa ju­mys­qa ornalastyq. Otbasymyzda úsh búldirshinimiz bar. О́zimiz jas otba­symyz, jıǵan-tergenimiz joq. Kezinde bıýdjettik mekeme qyz­met­ker­leri sanatynda turǵyn úı alý kezegine turǵanbyz. Balala­ry­myzdy súı­retip páterden pá­terge kóshýdiń azabyn tartýdaı-aq tarttyq. Úı jaldaýshylar da kish­kentaı balala­ry barlarǵa onsha yqylasty emes eken. Al bizdiń páterge qol jetkizý múmkindigimiz azaıa berdi. Tózim taý­sylyp, shy­dam kete bastady. Qaı­typ aýylǵa kóship ketýdiń retin taǵy taba almadyq. Sóıtip júrgen­de árip­tes­terim «Nur Otanǵa» ba­ryp jo­lyq­sańshy, kóp adamdar kómegi tı­di dep júr ǵoı, yqpal eter múm­kin, dep aqyl qosty. Sóı­tip, men «Nur Otan» HDP oblys­tyq fılıaly­nyń qoǵamdyq qabyl­daýyna bar­dym. Shyny kerek, mundaı yqy­las­ty kútpep edim, rıza boldym. Ondaǵylar kelgen máse­lemdi mu­qııat tyńdap, qalaı áreket etý kerektigin aıtyp, keńes berdi. Qo­symsha qajet qujattarymdy jı­nap, tapsyrǵan soń tıisti oryn­dar­ǵa joldap, baqylaýda ustaı­tyn­dyq­taryn aıtty. Sóıtip, kóp uzamaı máseleniń oń sheshilgeni týraly habarlady. Mundaı jana­shyr­lyqty kútpegen­dikten be, qat­ty tolqydym, qýa­nyshymda shek bolǵan joq. Par­tııanyń ara­la­sýy­men baspanaly bolyp qal­dyq. О́zim biletin taǵy bir derekti aıta ketsem artyq bolmas. Menimen birge qoǵamdyq qabyldaýda bol­ǵan №1 emhananyń akýsher-gı­nekology Tatıana Starchaen­ko­nyń da ótinishi sheshimin taýyp, eki ba­lasyn «Arman» balalar baq­sha­sy­na ornalas­tyrýǵa partııa­nyń ob­lystyq fı­lıaly muryndyq bol­ǵanyna kýá­min. Jalpy, partııanyń oblystyq fılıalynda azamattar­dyń aryz-sha­ǵymdarymen jumys isteýdiń táý­ir tájirıbesi qalyp­tas­qanyna my­sal jeterlik. Ony kópshilikke jetkizýdi ózime paryz sanaımyn. «Nur Otan» – naǵyz halyqtyq partııa ekenine kózim jetti. Eldiń qa­myn qamdap, mu­ńyn muńdap júrgen budan basqa qandaı partııany kór­dińiz, bári de qur ásire qyzyl sózge, syldyr saıasatqa ǵana qumar. Son­dyqtan, alda da bıliktiń partııa­sy­nyń bıikten kórinetinine senim mol. Kenjegúl SAIYMOVA, Aqtóbe qalasynyń turǵyny.

Janashyrlyq

Barshamyzdy qýantqan bir my­sal aıtsam deımin. О́tken kúzden bastap jergilikti orta mekteptiń 9 synyp oqýshysy Almas Da­bı­evtiń júzinde jabyrqaý, kóńi­lin­de kirbiń paıda bolǵanyn kórip qabyrǵamyz qaıysty. Kún sanap eńsesi túsip bara jatqan boz­ba­lanyń densaýlyǵyn muqııat teksergen dárigerler óte aýyr dıagnoz qoıypty. Úlken kólemdegi as­qa­zan leımomıomasyn Almaty qa­­lasyndaǵy onkologııa jáne radıologııa Qaz ǴZI-de shuǵyl túr­de emdeý qajet boldy. Ýaqyt pen qar­jy­nyń tapshylyǵy Almastyń ata-anasyn odan beter jabyr­qatty. Byltyrǵy jeltoqsannyń ba­syn­da «Nur Otan» HDP «Tarasov» jaýapkershiligi shekteýli seriktestigindegi bastaýysh partııa uı­ymynyń tóraıymy Baqytgúl Ázimhan men Almastyń ata-ana­sy partııanyń aýdandyq fılıa­lyna kómek qolyn sozý týraly ótinish túsirdi. Tez arada aýyl­daǵy partııa uıymdaryna, aýyl­dyq okrýg ákimderine bozbalany Almaty­da­ǵy operasııaǵa jiberý úshin qa­ra­jat jınaýǵa kómek­tesýge shaqyr­ǵan hattar jolda­nyp, arnaıy qor ashyldy. «Nur­otandyqtardyń» bas­tamasymen ol jappaı izgilik aksııasyna ula­syp ketti. Sóıtip, 15 kúnniń ish­in­de 250000 teńge aqshalaı qar­jy jınalyp, Dabıevtar otba­sy­na tapsyryldy. Qazir kúrdeli operasııa men em­deý kýrsy sátti aıaqtalyp, Almas synyptastarynyń ortasyn­da jarqyrap júr. Elbasy, «Nur Otan» HDP Tór­aǵasy Nursultan Nazarbaev bıylǵy Joldaýyn «Bolashaqtyń irgesin birge qalaımyz» dep ata­ýynyń tereń mánin osy bir my­sal­dan da ańǵarýǵa bolady. Rýhııa SÁÝLENOVA,  Tarasov aýyldyq okrýginiń ákimi. Aqmola oblysy.

Kóńil ósirdi

Men kóp jyldan beri óndiris salasynda eńbek etip kelemin. Býldozershi retinde mamandyǵym qaı kásiporynǵa da qalaýly. Keıingi kezde oblys aýmaǵynda ash­yq ádispen kómir óndiretin «Týr­kaz» atalatyn JShS-ke qarasty jumys isteýdemin. Berik qalyp­taspaǵan qurylym bolǵandyqtan keıde iste irkilis bolmaı tur­maı­dy. О́ki­nish­ke qaraı, sondaıda eń­bekaqymyz qıylyp nemese tóle­nýi toqta­tylyp qıyn­dyq júgi al­dymen bizge arty­la­tyny bar. Byl­tyr sáýir, ma­myr, maýsym aı­laryna tıisti ja­laqymdy mezgilinde ala almaı biraz áýrege tústim. Kásiporyn basshylyǵy ta­ra­pynan talap-tilegimdi  elep-eskerýge onshalyqty qulyq tanytyla qoımaǵandyqtan, áriptesterimniń keńesi boıynsha «Nur Otan» HDP oblystyq fılıalyna shaǵym­da­nýyma týra keldi. Arada az ýaqyt ótpeı jatyp onyń qoǵamdyq qabyldaý bólimine shaqyryldym. Mundaǵy mamandar másele mánine tikeleı qanyqqan soń ótinishimniń jetkiziletindigin aıtyp, renishimdi basty. Aıtqandaıyn, kúz aıa­ǵyn­da úsh aılyq jalaqym tolyq qo­lyma tıdi. «Nur Otan»  halyqqa etene ja­­qyn, eńbekkerler muń-múddesin qorǵaýǵa yntaly partııa ekenine ómirimdegi osy bir jaı arqyly kózim jete tústi. Maǵan kómekke kelip, qoldaý kórsetilgeni úshin partııanyń oblystyq fılıalyna alǵysymdy bildirdim. Estip, bilip júrgenimdeı mundaı qamqor­lyq­qa  bir men ǵana emes kóptegen aza­mattar da rıza. Anatolıı MINKIN, jumysshy. Qaraǵandy.

Alǵys aıtamyn

Jeke kásipkerge jaldanyp ju­­mys­qa turǵan meniń kóńilim mun­daǵy adamǵa degen nemquraı­lyq­tan ábden pás boldy. Eń aldymen, ondaǵylar maǵan ózara eńbek kelisimi týraly qu­jattyń bir dana­syn qansha surasam da berýdi qa­jet dep tappady. Al odan keıingi jerde zańdy eńbek aqymdy ala almadym. Men úshin zeınetaqy men áleýmettik mindetti tólemder jáne aýdarylmaı qaldy. Al jumys berip otyrǵan qo­jaı­­yn­dar bolsa, aryzdanyp qaı­da bar­sań onda bar dep kergidi. Tipti, eńbek kitapshama jumystan shyqqa­nym jóninde belgi qoıyp berýdi de qajet dep tappady. Sóıtip, qınalyp qalǵan shaqta bir tanystarym «Nur Otan» HDP qala­lyq fı­lıalyna barýǵa keńes berdi. Mun­da­ǵy­lar meni jyly qa­byldap, aryz-óti­ni­shim­di zeıin qoı­­yp tyń­dady. Ile so­lar­dyń kó­megi­men barlyq zańdy tilegim qanaǵat­tandy­ryl­dy. Iаǵnı, tıesili ja­la­qymdy al­dym, zańdy tólemder de tıisti oryn­darǵa aýdaryldy. Osy jerde zeınetaqy ortaly­ǵyn­­daǵy jekelegen qyzmetker­ler­diń nem­qu­raılyǵynan zeınet­aqy­syn ala almaı kelgen bir ana­nyń da tilegi qa­na­ǵat­tan­dyry­lyp, kó­ńili kóterilip qaıt­­qanyna kýá bol­dym. Qysqasy, munda oryndy óti­nish aıaqsyz qal­maıtyn sekildi. Gúlsim Muhamedjanova, qala turǵyny. Semeı.