Prezıdent Qasym-Jomart Toqaev Eýrazııalyq ekonomıkalyq odaqqa múshe memleketterdiń eýrazııalyq kólik dálizderine kiretin avtomobıl joldarymen júrgen kezde kólik quraldarynyń ruqsat etiletin massalary, ostik júktemesi jáne gabarıtteri týraly kelisimdi bekitý jónindegi Jarlyqqa qol qoıdy, dep jazady Egemen.kz Aqordanyń baspasóz qyzmetine silteme jasap.
Atalǵan kelisim 2024 jyly 13 jeltoqsanda Máskeý qalasynda qabyldanǵan bolatyn. Qujat Odaqqa múshe memleketter aýmaǵynda kólik quraldarynyń tehnıkalyq parametrlerine qoıylatyn talaptardy birizdendirýge baǵyttalǵan.
Ony iske asyrý halyqaralyq avtotasymaldaýshylar úshin teń ári ashyq jaǵdaı qalyptastyrady.
Kelisimniń negizgi maqsattary:
EAEO-nyń tranzıttik áleýetin tıimdi paıdalaný; Eýrazııalyq kólik dálizderi boıynsha halyqaralyq avtomobıl tasymalynyń tıimdiligin arttyrý; Avtomobıl ınfraqurylymynyń saqtalýyn qamtamasyz etý; Jol qozǵalysy qaýipsizdigin kúsheıtý; Kólik qyzmetteriniń sapasyn arttyrý.Jarlyq tranzıttik tasymaldardy damytýǵa quqyqtyq negiz qalyptastyryp, Qazaqstannyń óńirdegi mańyzdy kólik-logıstıkalyq hab retindegi pozısııasyn nyǵaıtady.
Buǵan deıin Memleket basshysy Serbııa Prezıdentin «Altyn Qyran» ordenimen marapattaǵanyn habarlaǵanbyz.
Sondaı-aq Qazaqstan men Serbııa arasynda 10 memorandýmǵa qol qoıyldy.