Halyqaralyq aýyr atletıka federasııasy (IWF) Reseıdiń aýyr atletıka quramasynyń tolyq quramymen Rıo-de-Janeırodaǵy Olımpııalyq oıyndarǵa jibermeı qoıdy. Atalmysh uıymnyń resmı saıty bul týraly aqpardy 29 shilde kúni jarııalady.
IWF bul sheshimdi WADA-nyń táýelsiz komıssııasyn basqarǵan zańger Rıchard Maklarenniń baıandamasy negizinde qabyldaǵan.
«IWF atqarý komıteti Rıodaǵy Oıyndarǵa Reseı aýyr atletteriniń qatysýy máselesin muqııat zerttedi. Zertteýge WADA-nyń Rıchard Maklaren basqarǵan táýelsiz komıssııasynyń baıandamasyndaǵy materıaldar engizildi. Tatıana Kashırına men Anastasııa Romanovany Reseı olımpııalyq komıteti budan buryn qatardan shyǵaryp tastaǵan edi. Maklarenniń baıandamasynda taǵy 4 sportshynyń aty-jónderi aıtylady», - delingen IWF habarlamasynda.
27 shilde kúni Reseı aýyr atletteri Natalıa Zabolotnaıanyń, Svetlana Sarýkaevanyń, Aleksandr Ivanov pen Andreı Demanovtyń 2012 jylǵy Olımpıadaǵy dopıng-synamalarynyń oń nátıje kórsetkeni belgili boldy.
24 shilde kúni Halyqaralyq olımpııalyq komıtet (HOK) Reseı quramasyn túgeldeı Rıo-de-Janeırodaǵy Oıyndarǵa qatysýdan shettetpeý jóninde sheshim qabyldady. Ol muny jekelegen sport túrleri boıynsha naqtyly atletter men komandalardy Olımpıadaǵa jiberý-jibermeý máselesin sheshýdi halyqaralyq federasııalardyń enshisine qaldyrǵan bolatyn.
Damır QOJAMQUL