[caption id="attachment_54317" align="aligncenter" width="560"] Foto: akorda.kz[/caption]
Qazaqstan Prezıdenti Nursultan Nazarbaev Investısııalar jáne damý mınıstri Jeńis Qasymbekti qabyldady.
akorda.kz-tiń habarlaýynsha, mınıstr Prezıdent Nursultan Nazarbaevqa «Nurly jol» jáne eldiń ındýstrııalyq-ınnovasııalyq damý jónindegi memlekettik baǵdarlamalarynyń iske asyrylýynyń basty máseleleri, sondaı-aq, mınıstrlik qyzmetiniń aldaǵy kezeńge arnalǵan basym baǵyttary jóninde málimdedi.
Memleket basshysy ekonomıkany damytý jáne elimizge tikeleı shetel ınvestısııasynyń tartylýy úshin qolaıly ınvestısııalyq jaǵdaılar týǵyzý jónindegi júıeli jumysty jalǵastyrý qajettigin atap ótti.
Budan bólek, Qazaqstan Prezıdenti jol-kólik ınfraqurylymyn damytý, sonymen qatar, «Nurly jol» baǵdarlamasy aıasynda jańa jumys oryndaryn qurýǵa yqpal etetin shaǵyn jáne orta bızneske qoldaý kórsetý máselesine toqtaldy.
Investısııalar jáne damý mınıstri jyl sońyna deıin 800 shaqyrymdy qamtıtyn jańa jol tósemin paıdalanýǵa berýdi josparlap otyrǵanyn baıandady.
Aıta keteıik, 2020 jylǵa deıin qashyqtyǵy 7000 shaqyrym Astana – Almaty, Astana – О́skemen, Astana – Aqtaý jáne t.b. baǵyttar boıynsha avtojol qurylysy aıaqtalatyn bolady.
Nursultan Nazarbaev kezdesý qorytyndysy boıynsha birqatar tapsyrma berdi.
Talǵat RAIYMBEK.