Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Avstrııa Respýblıkasynyń Eýropalyq jáne halyqaralyq ister jónindegi Federaldyq mınıstri Mıhael Shpındeleggermen telefon arqyly sóılesti, dep habarlady SIM-niń baspasóz qyzmeti.
M.Shpındelegger EQYU-daǵy Qazaqstan tóraǵalyǵynyń basty nátıjeleri – Uıymnyń Sammıtin Astanada ótkizýi men joǵary deńgeıdegi kezdesý qorytyndysy boıynsha qabyldanǵan Deklarasııany erekshe ataı otyryp, Qazaqstannyń jemisti tóraǵalyǵyna joǵary baǵa berdi.
Qazaqstan-Avstrııa yntymaqtastyǵynyń ózekti máseleleri men damý bolashaǵyn qarastyra otyryp, taraptar ótken jyldyń jeltoqsan aıynda Astanada ótken Prezıdent N.Nazarbaev pen Prezıdent H.Fısherdiń kelissózderi eki eldiń arasyndaǵy qatynastardyń barlyq keshenine qýatty kúsh berdi. Áńgimelesýshi taraptar yntymaqtastyq áleýeti tolyqtaı qoldanylýy qajet ekenin ataı otyryp, áriptestikti odan ári damyta berýge nıetterin bildirdi. Taraptar Avstrııanyń Eýropalyq jáne halyqaralyq ister jónindegi Federaldy mınıstri M.Shpındeleggerdiń Qazaqstanǵa resmı saparyn mamyr aıynda ótkizýge kelisti.