Rıo-de-Janeıroǵa Olımpıadaǵa barǵan Qytaı delegasııasy baýkespelerdiń shabýylyna jıi ushyraýda. Birneshe kún ishinde qytaılyq sportshylar, BAQ ókilderi, basqa da delegasııa músheleri urylarǵa jem bolypty.
Jergilikti polısııanyń habarlaýynsha, qytaılyq jýrnalısterdiń qymbat apparatýralary qoldy bolǵan. Semserlesýshiler men sadaqshylary sport jabdyqtarynan, aqshalarynan jáne nesıe kartalarynan aıyrylyp qalypty.
Osy keleńsizdikke baılanysty «Rıo-2016» uıymdastyrý komıtetiniń ókili Marıo Andrada olardan keshirim surap, joǵaltqan zattaryn tezirek tabýǵa tyrysatyndaryn aıtty. Sondaı-aq, Marıo Andrada basqa da sportshylar men qonaqtardy saqtanyp júrýge shaqyryp, qymbat zattaryn sómkelerinen shyǵarmaýǵa keńes berdi.
Nurtóre SAMARQAN