[caption id="attachment_54768" align="aligncenter" width="560"] ktf.kz[/caption]
Rıo-de Janeıro qalasynda tennısten Olımpııalyq oıyndardyń jerebesi tartyldy. Osy dodada elimiz atynan synǵa túsetin Iаroslova Shvedova men Galına Voskoboeva birinshi aınalymda taıpeılik Se Shýveı men Chjýan Sıa Jýnmen kezdesetin boldy. Bul týraly «Egemenniń» arnaýly tilshisi Baqtııar Taıjan habarlady.
Eger birinshi aınalymda jeńse, qazaqstandyq tennısshilerdiń kelesi qarsylasy Ispanııa nemese Brazılııa sportshylarynyń bireýi bolady.
Al jekeleı synda Galına Voskoboeva birinshi aınalymda japonııalyq Mıkası Doımen kortqa shyǵady. Osy kezdesýde japon tennısshisin jeńse, Voskoboeva ekinshi aınalymda Samanta Stosýr pen Elena Ostapenkonyń arasynda ótetin oıynnyń jeńimpazymen kúsh synasady.
Tennıs jarystary 6 tamyzda bastalady.
Dastan KENJALIN