Qazaq bolǵan qandaı baqyt!

Medeý. Bendı. Burynǵy tilmen aıtsaq, dopty hokkeı. Qazaq­stan-Moń­ǵolııa quramalarynyń al­ǵash­qy oıyny. “Aqjaıyqtyń” ne­gizinde quralǵan qazaq surmer­genderi qarsylastar qaqpasyna atoılap kirip, jeńis dobyn sát saıyn toǵytady. Raýan men Eskendir oıyn aldynda ekeýimiz kezek soǵaıyq dep kelisip alǵandaı mońǵol qaqpasynyń aldynda kezek-kezek at oınatady. Qarsy jaq betkeıge kózim tús­ti. Bir qaýym aıyr qalpaqty aǵa­ıyn otyr. Gol soǵylsa dúr etip kóterilgen kógershinderdeı oryn­darynan turyp ketedi. “Qa­zaqstan, Qazaqstan” dep kúr­kireı­di. Qol­darynda “Qazaqstan” degen jazýy bar belgiler. Alǵashqy kúni mońǵoldardyń qolyna túsken. 14:2 bolyp utyl­dy. Sodan soń qazaq saıyp­qyran­darymen joly toǵysty. Bizdiń jigitter 21:0 esebimen kerip tastady. Ashýlansa kerek edi. Tońqyldap otyrǵan qyrǵyz­dar joq. “Qazaq-qyrǵyz bir tý­ǵan”. Bardyq. Áńgimege tarttyq. О́ńin jel qaǵyp, totyqqan jigitter yqylasty. – Qazaq týǵandar myqty ǵoı. Ásirese, anaý Raýan degen jigit shoń eken. Qansha qaýmalasaq ta aramyzdan jol taýyp ótip ketip, gol soǵa berdi ǵoı, – deıdi Sa­ǵym­bek Qadyrovpyn dep tanys­tyrǵan jigit. – Sporttyq formalaryńyz saıly eken? – Qazaqtar berdi. Sporttyq for­­many da, konkıdi de, klıýsh­kany da... Sizdiń jigitter jaqsy eken. Tanysyp aldyq. Shirkin, bizde de qazaq sportshylaryndaı jaǵdaı bolsa ǵoı... – Ras, qyzyǵamyz sizderge, –deıdi Saǵymbek. – Bizdiń elde Nur­sultan Nazarbaevqa qurmet erek­she. О́zimiz de kórdik. Sport keshenderi birinen-biri ótedi. Anaý tram­p­lınnen shańǵymen sekiretin keshen qandaı keremet. Áı, biz ondaı­dy júz jylda da sala almaıtyn shyǵarmyz. Aıaǵy­myz jetken biraz jerdi kórdik. Mynadaı sport keshenderimen Azııa oıyndaryn emes Qysqy Olımpııa oıyndaryn ótkizýge bolady ǵoı. – Qyzyqtyq ta, eptep qyzǵan­dyq ta, – deıdi Myrzabek. –Nur­sultan Nazarbaev halyqqa jaıly basshy eken. Barlyq kerekterińiz bar. Qytaı, japon, koreı elderi ǵana ótkize alatyndaı kórinetin Azııa oıyndaryn tamasha ótkizip jatyrsyzdar. Shirkin, osyndaı bereke bizdiń halyqqa qashan keledi?! Qazaq bolý baqyt qoı! Tegi bir aǵaıynnyń aqtary­lyp aıtqan áńgimesine súıinip qaldyq. Qyzyq-áı. О́zimizde bireýler aý­zynan túkirigi shashyrap “osyn­daı dańǵaza nege kerek?” dep dastarqanymyzdyń shetin tilgilep júr. О́z eline ózi jaýlyq pıǵyl tanytyp. Kórshi aǵaıyn “Qazaq bolǵan qandaı baqyt” dep kúrsinedi. О́z ishimizden shyqqan kesirdiń emes, kórshiniń sózi túzý-aý... Gazetimizdiń arqasynda Azııa oıyndaryna da, Olımpııa oıyn­daryna da jolymyz túsip júr. Senim bildirgen basylym basshy­lyǵyna da, gazet ujymyna da myń qaıtara rahmet. Syrt elge barǵan soń sport jarystarymen qatar basqa artyqshylyqtaryn da baıqaı júresiń ǵoı. Volon­ter-eriktilerdiń qyzmeti qatty qy­zyq­tyrǵan. О́zimizben salys­tyra­syń. Osyndaı minsiz qyzmet kór­setýge bizdiń jastar daıyn ba dep. Daıyn eken. Keıbir aıtýǵa turmaıtyn usaq-túıek kemshilikter bolmasa eriktilerimiz jara­dy. Aıaqtarynyń ushymen qyzmet etti. Sheteldikterdiń bizdiń el týraly oı túıip ketýi osy qyzmetten bastalady ǵoı. Jankúıerlerge rahmet. Ja­rys­tyń alǵashqy kúnderi oıyn­dar aıǵa sozylatyndaı asyqpaǵa­ny­men sońynda yshqyndy. Redaksııa tapsyrmasymen qyzdar arasyndaǵy shaıbaly hokkeıge jaýapty bolǵam. Balýan Sholaq atyndaǵy Sport saraıyna erterek kelsek jankúıerler arasyn­da tanys tulǵa júr. Zýrab. Shym­kenttegi grýzın mádenı ortaly­ǵy­nyń tóraǵasy. “Bılet joq. Qolda 8 myń teńge eken. Tórt bıletke aqsham jetpeı qalyp, ba­lam­dy osyndaǵy tanysyma jiberdim. Qazaqstan fınalda oınap jatqanda úıde qalaı tynysh jatamyn, teledıdardan kór­gennen saraıda kórgenniń arasy jer men kókteı”, deıdi Qazaqstan hokkeıiniń jankúıeri ózimizdiń gúrji jigit. Medeýde de osyndaı. Zeınetkerlerdi de kóresiń. Irgesinde úl­ken doda ótip jatqan soń shydaı almaǵan. Perızat Hasenova apaıymyz­dyń jasy 61-de. Almatydaǵy №1 qulaǵynyń múkisi bar balalar mektebiniń muǵalimi. Bir top shákirtterimen kelipti. – Mundaı oıyn Qazaqstanǵa endi qashan oralady. Azııada 45 mem­leket bar eken. Men ótkizeıin dep suraıtyndary bolmaıdy deı­siń be, bolady. Ádepkide balalar kórsin dep edim, ózim qyzyǵyp kettim. Ár oıynyna kelip júrmin,–deıdi. Sportshyny jeńiske jetkize­tin – jankúıer demeýi. Ony sań­laq­tarymyz aıtyp jatyr. Qazaq­stan Azııa oıyndarynda márege shasha­syna shań juqpaı kelse, onda jankúıerlerdiń de eńbegi zor. Baqtııar TAIJAN. Ońtústik Qazaqstan oblysy.