Bolashaqqa Elbasymen birge

Aqtóbe qalasynda «Nur Otan» HDP Joǵary partııa mektebi par­tııanyń oblystyq fılıalymen birlesip, eldiń batys óńirleri bastaýysh par­tııa uıymdarynyń tóraǵalary úshin oqytý semınary aıasynda «2010-2014 jyldarǵa arnalǵan údemeli ın­dýstrııalyq-ınnovasııalyq damý mem­lekettik baǵdarlamasyn júzege asyrý jaǵdaıynda ınnovasııalar men ón­di­ris­tiń yqpaldasý basymdyqtary» ta­qy­rybynda dóńgelek ústel ótkizdi. Oǵan Qazaqstan Respýblıkasy Parlamenti Májilisiniń depýtattary, Memlekettik organdar bıznes qoǵamdas­tyqtary ókilderi, otandyq jáne sheteldik ǵalym sarapshylar qatysty. «Nur Otan» HDP-nyń kezekti HIII sezinen keıin ile-shala uıymdas­ty­rylǵan shara barysynda búgingi kún­niń birqatar mańyzdy máseleleri sóz boldy. О́ńirdegi «Qazmunaıburǵylaý», «Qaz­transoıl» jáne «MAEK Qaza­tomprom» jaýapkershiligi shekteýli seriktestikteri sııaqty iri kásip­oryn­dardyń bastaýysh partııa uıym­dary­nyń basshylary da osy semınar tyń­daýshylary boldy. Dóńgelek ústelge qatysýshylar aldynda Jo­ǵary partııa mektebiniń dırektory, ekonomıka ǵylymdarynyń doktory Baqyt Esekına kirispe sóz sóılep, joǵary partııa mektebiniń qurylymdyq júıesi­men, atqaratyn jumystarymen qys­qasha tanystyryp ótti. Ol bul shara­nyń Elbasy Nursultan Nazarbaevtyń «Bolashaqtyń irgesin birge qalaımyz» atty Qazaqstan halqyna Joldaýyn jáne 2010-2014 jyldarǵa arnalǵan údemeli ındýstrııalyq-ınnovasııalyq damý baǵdarlamasyn, sondaı-aq «Nur Otan» HDP HIII sezinde Elbasy alǵa qoıǵan mindettemelerdi aqparattyq qoldaý jáne halyq arasynda túsin­dirý boıynsha «Nur Otan» HDP-nyń josparly jumysy aıasynda ótkizilip otyrǵanyn atap ótti. Dóńgelek ústel­diń maqsaty Joldaý men sezde atap kórsetilgen negizgi mindetter men ın­dýstrııalyq-ınnovasııalyq damý baǵ­darlamasyn, áleýmettik damý jáne ju­myssyzdyqty joıý basymdyq­ta­ryn, ınnovasııa men óndiristiń yq­pal­das­­tyǵyn qamtamasyz etý másele­lerin ózara talqylaý, sondaı-aq, ınno­vasııany ón­diriske engizý úderisin jedeldetý jol­daryn anyqtaıtyn usynystar daıyn­daý bolyp tabylady. – Qazirdiń ózinde jumys toby bir­qatar usynystardy daıyndap úlgerdi. Dóńgelek ústelde olardy talqylap, Úki­metke, Parlamentke joldaımyz. Inno­vasııany óndiriske engizýdi qoldaý maq­satynda aımaqtarda ınnovasııalyq klasterler qurýdy, ınnovasııalyq orta­lyq­tar ashýdy usynyp otyrmyz. О́kinishke qaraı, jergilikti jerge ult­tyq ınnova­sııalyq júıeniń qandaı múmkin­dikteri bar ekeni týraly aq­parattar tolyq jetpeıdi. Bıznes qury­lymdary tapsyrysty qalaı berý kerektigin, vencherlik qordyń ne ekenin, ınnovasııany óndiriske engizýge ǵy­lymı múmkindikti qalaı tıimdi paı­dalanýdy, salyqtyq jeńildikterdi, salyq kanıkýly degenniń ne ekenin bile bermeıdi. Sondaı-aq, óndiriske ınnovasııany engizýdiń ekono­mı­kalyq tıimdi tetikteri men mehanızmderin de usynyp otyrmyz. Eń bastysy, biz árbir qazaqstandyqtyń údemeli ın­dýs­trııalyq-ınnovasııalyq baǵ­dar­la­ma­ny júzege asyrýǵa qatysýyna yq­pal etý­ge jaǵdaı jasaımyz, – deıdi B.Esekına. Memlekettik baǵdarlamany júzege asyrýdyń basty tetikteriniń biri ǵylym men óndiristiń tıimdi yqpal­dasýy bolyp tabylady, ol elimizdiń ulttyq ınnovasııalyq júıesin qaly­p­tastyrýǵa múmkindik beredi. Dóńgelek ústelde «Qazaqstan ın­dýstrııalyq damý ınstıtýty» AQ vıse-prezıdenti Galına Músenova 2010 jyly údemeli ındýstrııalyq-ınno­vasııalyq damý baǵdarlamasyn júzege asyrýdyń aspektileri jaıynda, «Ult­tyq ınnova­sııalyq qor» AQ-tyń bas­qarýshy dırektory – taldaý or­taly­ǵynyń dı­rektory Jumataı Sálimov ınnovasııa­lardy óndiriske engizý sa­lasyndaǵy memlekettik saıasat týraly baıandady. Osy sharada sóz alǵan oblys ákimi­niń orynbasary Roza Kemalova atal­mysh memlekettik baǵdarlama aıasynda Aqtóbe oblysy boıynsha 2014 jylǵa deıin 1 trln. teńge turatyn 86 ınves­tısııalyq joba iske asyrylatynyn, 16 myń jańa jumys orny ashylaty­nyn jetkizdi. Onyń aıtýynsha, búgin­gi kúni elimizdiń ındýstrııalandyrý kartasy­na oblysymyzdan quny 450,2 mıllıard teńgeni quratyn 33 joba kiredi. Onyń 12-si respýblıkalyq, 21-i óńir­lik kar­taǵa jatady. 2010 jyly qaras­tyryl­ǵan 24 jobanyń iske qosylýy nátı­je­sinde 109,8 mıllıard teńge ınvestısııa ıgerilip, 5,4 myń jumys orny ashyldy.   Memlekettik baǵdar­la­manyń basty ba­ǵyttarynyń biri iri kásiporyndar­dyń taýar men qyzmet­terdi satyp alý­daǵy qazaq­standyq úlesin joǵarylatý bolyp tabylady. Atqarylǵan jumys­tardyń qorytyn­dy­sy boıynsha júıe­lik kom­panııa­lardyń 32,8 mıllıard teń­gelik satyp alýlarynyń 65,2 paıy­zy nemese 21,4 mıllıard teńgesi jergilikti taýar óndirýshilerdiń úlesine tıgen. Al partııa sezinde Elbasy aldaǵy 10 jyldyqqa arnalǵan baǵdar­lama­lyq sóz sóıledi. Qatysýshylar Prezıdentti aldaǵy saılaýǵa úmitker retinde usyndy. Bizder, dedi dóńgelek ústelge jınalǵandar, Memleket bas­shysy alǵa qoıǵan maqsat-mindetterin júzege asyrýy úshin prezıdenttik saılaýda ony qoldap daýys beretin bolamyz. Satybaldy SÁÝIRBAI. Aqtóbe oblysy.