Qoǵamdyq shtab quryldy

«Nur Otan» partııasynyń XIII sezinde Nursultan Nazarbaev bir­aýyzdan Qazaqstan Respýblı­ka­sy prezıdenttigine kandıdat retinde usynyldy. Dál sol kúni Nur­sultan Nazarbaev Ortalyq saı­laý komıs­sııasyna qajetti bar­lyq qu­jat­tardy ótkizip, memlekettik tildi bilý deń­geıi boıynsha emtıhan tap­syrdy. Al 12 aqpanda «Nur Otan» par­tııasynyń Ortalyq ap­para­tyn­da  ar­naıy brıfıng ótip, partııa Tór­aǵasynyń birinshi oryn­ba­sary Nur­lan Nyǵmatýlın aldaǵy prezıdenttik saılaýda Elbasy Nursultan Na­zarbaevty qoldaý jó­­ninde respýb­lıkalyq qoǵam­dyq shtab quryl­ǵanyn jarııa etti: «Búginnen bastap saılaý kezinde Prezıdentimizdi qoldaý úshin res­pýblıkalyq ortalyq shtab qu­ryl­dy. Bul shtabtyń jumysyn bas­qarý maǵan júktelip otyr. Osy shtab quramynda elimizge ta­nymal azamattar, belgili saıasatkerler, qoǵam­dyq uıym ókilderi jáne demo­kra­tııalyq kúshter koa­lısııasynyń mú­sheleri bar. Al­daǵy ýaqytta bizdiń kandıdaty­myz­dy – Nursul­tan Ábish­uly Nazarbaevty qoldaý, saılaý baǵ­darlamasy boıynsha nasıhat ju­mystaryn júrgizýmen qatar, senim bildirilgen adamdardyń mindetterine de erekshe nazar aýdara­tyn bolamyz. Al búgingi kúni  eń ne­gizgi maqsatymyz – bizdiń kan­dı­da­tymyzdy qoldaýshylardyń daýy­syn jınaý. Sondyqtan osyn­daı qoǵamdyq shtabtardy res­pýblı­ka­myzdyń barlyq oblys­ta­rynda, qalalarda, aýdandarda uı­ym­das­tyratyn bolamyz», – dedi. Shtab quramynda «Ádilet» de­mokratııalyq partııasynyń tór­aǵa­sy Maqsut Nárikbaev, Qazaq­stan Patrıot­tary partııasynyń tór­aǵasy Ǵanı Qasymov, «Qazaq­stan aza­mattyq alıansy» tóraıy­my, Má­jilis depýtaty  Aıgúl Soloveva, «Atameken» Odaǵy» UEP tór­aǵasy Azat Perýashev, «Zen­chenko ı kompanııa» serik­tes­tiginiń bas dı­rektory Gennadıı Zenchenko, «SAÝAP» respýblı­kalyq qoǵamdyq qory­nyń prezıdenti Baqytbek Smaǵul jáne bas­qa da Qazaq­stan­nyń tanymal adamdary bar. Shtab quramynda, sondaı-aq, úgit-nasıhat naýqany kezinde qol­ǵa alynǵan barlyq sharalardy aq­parattyq jaǵynan qamtamasyz etetin arnaıy baspasóz ortalyq­tary jumys isteıtin bolady. «Egemen-aqparat».