ZAS Architects fırmasy ázirlegen záýlim ǵımarattar jobasynyń quny 550 mıllıon dollarǵa baǵalanǵan.
naked-science.ru aqpary boıynsha, záýlim eki ǵımarattan turatyn bıik munaralardyń jalpy aýmaǵy 186 myń sharshy metr bolady. Ekeýi de 53 qabattan turady. Olardyń birinde birinshi sanattaǵy 448 bólmelik qonaqúı bolsa, ekinshisinde 280 páter bar.
Ǵımarat ishiniń kire berisi kelýshilerdi úlken tropıkalyq ormanda júrgendeı sezimde qaldyratyn arnaıy 3D jobalarmen jabdyqtalǵan. Qosymsha aýdıovızýaldy, robotty tehnıka men 3D tehnologııalar onyń áserin kúsheıte túsetin bolady.
Jańa ǵımarattardyń basty ereksheligi – ishinde aýmaǵy 7000 sharshy metrdi quraıtyn tropıkalyq orman ornalasatyndyǵy. Bul jerde qoǵamdyq attraksıondar, tropıkalyq ósimdikter jáne tropıkalyq ylǵaldy aýa júıesi bar. Arhıtektorlardyń aıtýynsha, mundaı ylǵaldy aýa júıesi tuman men jańbyrdy shynaıy sezinýge múmkindik beredi. Kelýshilerge arnalǵan birneshe demalys orny, basseın, jaǵajaı, túrli dámhanalar, sarqyramalar bolady.
Jobany ázirleýshiler ǵımarattyń aldyńǵy qatarly tehnologııalarmen jabdyqtalǵanyn málimdedi. Júkti jyldam qozǵalatyn lıftilermen bólmege jetkizetin robotty júıe ornatylǵan. Ǵımarattyń qurylysyn 2018 jyly aıaqtaý josparlanǵan.
Aıan ÁBDÝÁLI,
«Egemen Qazaqstan»