«Kóktem-2026»: Shymkentte sý tasqynynyń aldyn alý sharalary kúsheıtildi

Qalalyq Tótenshe jaǵdaılar departamentiniń bazasynda jedel shtab qurylyp, azamattyq qorǵaýdyń aýmaqtyq kishi júıeleri joǵary daıyndyq rejımine kóshirildi. Tótenshe jaǵdaılardy joıý basqarmasynyń ınjeneri, azamattyq qorǵaý kapıtany Shárip Asqardyń aıtýynsha, qazirgi ýaqytta baılanys júıeleri men avarııalyq-qutqarý qyzmetteriniń jedeldigi jan-jaqty tekseriledi. Sonymen qatar kóktemgi sý tasqynynyń aldyn alýǵa baǵyttalǵan keshendi sharalar keń kólemde júrgiziledi.

Soltústik óńirler sý tasqynyna qalaı qamdanyp jatyr?

«Praktıkalyq bólim sheńberinde qala aýmaǵynda sý basý qaýpi joǵary ýchaskelerde 9 oqý-jattyǵý núktesi belgilengen. Atap aıtqanda, osy kúnde Abaı aýdanynda – 2, Ál-Farabı aýdanynda – 1, Eńbekshi aýdanynda – 3, Turan aýdanynda – 1, Qarataý aýdanynda – 2 núktede oqý-jattyǵýlar ótip jatyr. Sonymen qatar bir nysanda «QTJ» UK» AQ temirjol platformalary arqyly ınjenerlik jáne ózge de tehnıkalardy tıeý-túsirý jumystary qolǵa alynady» dedi ol.

О́ńirlerde sý tasqynyna qarsy daıyndyq kúsheıtildi

Budan bólek, shuǵyl den qoıý jasaqtaryn jınaý, zardap shekken turǵyndardy evakýasııalaý jáne qabyldaý pýnktterin óristetý, sondaı-aq azamattyq qorǵaý organdary men jergilikti atqarýshy organdardyń kúshteri men quraldaryn Túrkistan oblysyna jedel jiberý tájirıbesi synaqtan ótkiziledi. Bul rette jeke quramnyń Túrkistan oblysy aýmaǵynda avtonomdy jaǵdaıda áreket etýge tolyq daıyn bolýy mańyzdy deıdi maman.

Aıta keteıik, «Kóktem-2026» komandalyq-shtabtyq oqý-jattyǵýy 25-27 aqpan kúnderi respýblıka kóleminde ótetin bolady.