Konstıtýsııalyq reforma – tek Negizgi zańǵa engiziletin ózgertýler emes, ol – elimizdiń erteńgi jarqyn bolashaǵy. Kók týymyzdy álemdik arenada bıikke kóterip júrgen sańlaq sportshylarymyz da bul saıası naýqannan qalys qalmaı, óz pikirlerin ortaǵa saldy, dep habarlaıdy Egemen.kz.
Belgili balýan, Qazaqstan barysy Muhıt Tursynov óz sózinde aldaǵy referendýmdaǵy ár azamattyń daýysy – elimizdiń bolashaǵyn qalyptastyratyn mańyzdy úles ekenin aıtty.
«Bul árqaısymyzdyń jaýapkershiligimizdi kórsetetin tarıhı múmkindik. Konstıtýsııalyq reforma – memlekettiń damý baǵytyn, qoǵamnyń ádildigin, azamattardyń quqyǵy men erkindigin aıqyndaıtyn mańyzdy qadam. Sportta jeńiske jetý úshin birlik, tabandylyq pen senim qajet. Sol sııaqty el bolashaǵy da ár azamattyń belsendi ustanymyna baılanysty. Men árqashan elimniń damýy men birligin birinshi orynǵa qoıamyn. Sondyqtan barshańyzdy referendýmǵa belsendi qatysyp, óz tańdaýyńyzdy jasaýǵa shaqyramyn. Birge bolaıyq. Birlikpen alǵa basaıyq. Elimizdiń jarqyn bolashaǵy óz qolymyzda!», dedi balýan.
Konstıtýsııada adam kapıtaly – negizgi basymdyq
Brazılııalyq djıý-djıtsýdan álemniń 6 dúrkin chempıony Taımas Sálimov Konstıtýsııalyq ózgeristerge arnalǵan referendým – memleket taǵdyry sheshiletin tarıhı sát ekenin aıtty.
«Negizgi zań – qoǵamdaǵy tártiptiń, ádilettiń jáne turaqty damýdyń negizi. Sondyqtan bul tańdaýǵa beıjaı qaraýǵa bolmaıdy. Ár daýys – ortaq bolashaǵymyzǵa qosylǵan úles. Biz búgingi sheshimimiz arqyly erteńgi Qazaqstandy qalyptastyramyz. Barshańyzdy el taǵdyryna beıjaı qaramaı, óz tańdaýyńyzdy jasaýǵa shaqyramyn. Birge áreket etsek – jarqyn bolashaqty birge quramyz. Birligimiz bekem, elimiz máńgi bolsyn!», dep jazdy sportshy.
Mańǵystaý munaıshylary jańa Konstıtýsııany qoldaıdy
Sondaı-aq mýaı-taıdan álem chempıony Aıbat Oljataı da jelide óz pikirin ortaǵa salyp, halyqty syndarly sátte sheshim qabyldaýdan qalys qalmaýǵa shaqyrdy.
«Sportta árbir jeńis – kúndelikti eńbek pen tabandylyqtyń nátıjesi. Ár beldesý – jaýapkershilik, ár qadam – bolashaqqa degen senim. Búgin bizdi dál sondaı mańyzdy synaq kútip tur. Bul da sporttaǵydaı: ár daýys – bir upaı, ár azamattyń tańdaýy – ortaq jeńiske qosqan úles. Jeńis eshqashan kezdeısoq kelmeıdi. Ol tártipten, birlikten jáne belsendilikten týady. Memlekettiń bolashaǵy da solaı qalyptasady – nemquraıdylyqtan emes, sanaly tańdaý arqyly. Referendýmǵa qatysý – bul óz taǵdyryńa, elińniń erteńine jaýapkershilikpen qaraý. Biz qandaı memlekette ómir súrgimiz keledi – ádil, ashyq, adamǵa baǵyttalǵan el me? Bul suraqtyń jaýaby árqaısymyzdyń daýysymyzda», dedi álem chempıony.
Sarapshylar konstıtýsııanyń jańa jobasyna biraýyzdan qoldaý bildirdi