Mektep dırektory úlgi kórsetti

Arman Myrzamseıitov №11 orta mek­teptiń 5 «E» syny­bynda oqıdy. Bir ańǵarǵanym, ótken jyl­dyń qazan aıynan bastap Arman sabaq­qa jıi keshigip keletin bol­dy. Ol­py-solpy kıinip, kó­ńil­siz júrýi de kóńilge alańdaý­shy­lyq týǵyz­dy. Sodan soń balamen jeke áńgime­lestim. Ol óziniń otba­sy jaǵdaıyn baıandap berdi. Ana­sy Aıgúl ob­lys­tyq onko­logııalyq emhanada jatyr eken. Zýbenko kóshesinde anasy ekeýi ǵana páter jaldap turady, úı salqyn – osy­nyń bárin Arman jasyrmaı aıtty. Budan soń synyp jetekshisi Ja­­zıra Sársenbaeva ekeýmiz aqyl­dasyp, balany mektep-ın­ter­natqa ornalastyrýdy ótinip, qalalyq bilim bólimine suranys jiberdik. Alaıda kún sýytqan saıyn Arman­nyń qıyn jaǵdaıy bizdi alańdata tústi. Sóıtip, synyp jetekshisi ekeýmiz mektep dırektory Batyr­bek Ábıevke Armannyń mán-ja­ıyn maǵlum ettik. 11 jasar bala­nyń basyna túsken taýqymetin ol bilgen soń, Armanmen sóılesip, «Sen biz­diń úıde tur» dep usynys jasady. Kelesi kúni Arman mektepke jaıdary júzben keldi. Ol «Anam dırektor aǵaıdyń úıinde turýǵa ruq­sat berdi, men endi sabaqty jaq­­sy oqýǵa ýáde bere­min» dep sy­nyp jetekshisine qýanyshyn jetkizdi. Qazir mektep dırektorynyń úıinde turyp jatqan Armannyń júzinen qýanysh nury esedi. Mektep formasy ústinde, ózge de qys­tyq kıimderi jańarǵan. Bala tur­mysynyń túzelýine mektep bas­shy­­synyń osylaı qolushyn ber­geni bizderdi de qýantyp otyr. Gaýhar DAIRABAEVA, pedagog-psıholog. Qyzylorda.