Qazaqstan Respýblıkasy Bilim jáne ǵylym mınıstrliginiń buıryǵy №5

2011 jylǵy 10 qańtar, Astana qalasy 2011 jyly Qazaqstan Respýblıkasynyń orta bilim berý uıymdarynda memlekettik aralyq baqylaýdy ótkizý týraly «Bilim týraly» Qazaqstan Respýblıkasynyń Zańyna jáne Qa­zaq­stan Respýblıkasy Bilim jáne ǵylym mınıstri mindetin at­qarýshynyń 2007 jylǵy 20 qarashadaǵy № 561 buıryǵymen bekitilgen Qazaqstan Respýblıkasynyń bilim berý uıymdarynda memlekettik aralyq baqylaýdy ótkizý erejesine (Normatıvtik qu­qyq­tyq aktilerdi memlekettik tirkeý tiziliminde №5033 tirkelgen, «Zań gazeti» gazetinde 2008 jyly 11 qańtarda №4 (1230) ja­rııalanǵan) sáıkes, bilim berý qyzmetterin kórsetý sapasyn baǵa­laý jáne orta bilim beretin uıymdar bilim alýshylarynyń bas­taýysh jáne negizgi orta bilim berýdiń jalpy bilim beretin oqý baǵdarlamalaryn meńgerý deńgeıin anyqtaý maqsatynda buıyramyn: 1. Qosa berilip otyrǵan Qazaqstan Respýblıkasynyń orta bilim berý uıymdarynda memlekettik aralyq baqylaýdy ótkizý kestesi (budan ári – keste) bekitilsin. 2. Bilim jáne ǵylym salasyndaǵy baqylaý komıteti (budan ári – Komıtet) (M.Q. Baıjumanov): 1) Qazaqstan Respýblıkasynyń orta bilim berý uıymdarynda memlekettik aralyq baqylaýdy (budan ári – MAB) 2011 jylǵy 20 aqpan men 20 naýryz aralyǵynda kestege sáıkes ótkizsin; 2) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin; 3) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn. 3. Ulttyq testileý ortalyǵy (Q.S. Ábdıev): 1) osy buıryqta belgilengen merzimde MAB rásimin uıymdastyrý- tehnologııalyq alyp júrýdi qamtamasyz etsin; 2) MAB bastalǵanǵa deıin eki kún buryn oblystardyń, Astana jáne Almaty qalalarynyń bilim basqarmalaryna MAB-tyń materıaldaryn jetkizýdi uıymdastyrsyn; 3) MAB nátıjelerin óńdeýdi 2011 jylǵy 15 sáýirge deıin aıaqtasyn jáne Komıtet pen Bilim sapasyn baǵalaýdyń ulttyq ortalyǵyna usynsyn. 4. Bilim sapasyn baǵalaýdyń ulttyq ortalyǵy (T.M.Ámreeva) orta bilim berý uıymdaryndaǵy MAB qorytyndysynyń tal­daýyn Komıtetke 2011 jylǵy 15 mamyrǵa deıin usynsyn. 5. Oblystardyń, Astana jáne Almaty qalalarynyń bilim basqarmalary: 2) MAB-ty ótkizý kezeńderinde oblystardyń, Astana jáne Almaty qalalarynyń bilim basqarmalarynyń bazalarynda MAB-ty úılestirý jáne ótkizý shtabynyń jumysyn uıym­dastyrsyn; 3) árbir orta bilim berý uıymynda 2011 jylǵy 20 qańtarǵa deıin MAB-ty ótkizý jónindegi memlekettik komıssııalardyń quramdaryn bekitsin. 6. Osy buıryqtyń oryndalýyn baqylaý Bilim jáne ǵylym vıse-mınıstri S. Yrsalıevke júktelsin. 7. Osy buıryq alǵash ret resmı jarııalaǵan kúnnen bastap on kúntizbelik kún ótken soń qoldanysqa engiziledi. Mınıstrdiń mindetin atqarýshy B.ÁBDIRÁSILOV. Qazaqstan Respýblıkasy  Bilim jáne ǵylym mınıstriniń 2010 jylǵy 10 qańtar  №5 buıryqpen bekitilgen Qazaqstan Respýblıkasynyń orta bilim berý uıymdarynda memlekettik aralyq baqylaýdy ótkizý kestesi № Qalalar jáne oblystar Uıymdastyrý jáne ótkizý merzimi Testileý kúni 1 Astana qalasy 23.02-26.02 24 aqpan 2 Aqmola oblysy 23.02-26.02 24 aqpan 3 Batys Qazaqstan oblysy 20.02-27.02 24 aqpan 4 Aqtóbe oblysy 21.02-27.02 24 aqpan 5 Atyraý oblysy 20.02-27.02 24 aqpan 6 Mańǵystaý oblysy 20.02-27.02 24 aqpan 7 Qaraǵandy oblysy 09.03-13.03 11 naýryz 8 Soltústik Qazaqstan oblysy 09.03-13.03 11 naýryz 9 Qostanaı oblysy 09.03-13.03 11 naýryz 10 Pavlodar oblysy 09.03-13.03 11 naýryz 11 Ońtústik Qazaqstan oblysy 15.03 - 20.03 18 naýryz 12 Jambyl oblysy 15.03 - 20.03 18 naýryz 13 Qyzylorda oblysy 15.03 - 20.03 18 naýryz 14 Almaty qalasy 15.03 - 20.03 18 naýryz 15 Almaty oblysy 14.03 - 20.03 18 naýryz 16 Shyǵys Qazaqstan oblysy 15.03 - 20.03 18 naýryz Buıryq Qazaqstan Respýblıkasynyń Ádilet mınıstrliginde 2011 jylǵy 18 qańtarda Normatıvtik quqyqtyq kesimderdi memlekettik tirkeýdiń tizilimine №6747 bolyp engizildi.