Keshe Parlament Senatynyń Tóraǵasy Qasym-Jomart Toqaev AQSh-tyń Islam Konferensııasy Uıymynyń (IKU) máseleleri boıynsha Arnaıy ókili Rashad Hýsseındi qabyldady, dep habarlady Parlament Senatynyń baspasóz qyzmeti.
Kezdesý barysynda álemdegi turaqtylyq pen qaýipsizdikti qamtamasyz etýdiń ózekti máseleleri jóninde pikir almasyldy.
Islam Konferensııasy Uıymy Syrtqy ister mınıstrleri keńesinde Qazaqstannyń tóraǵalyq etýi qarsańyndaǵy bul sapardyń mańyzdylyǵyn atap óte kelip, Tóraǵa bizdiń elimiz IKU-daǵy joǵary laýazymda ultaralyq jáne konfessııaaralyq kelisimdi saqtaýda jınaqtaǵan tájirıbesimen bólisýge ázir ekenin málimdedi. «Qazaqstan bul erekshe tájirıbeni óziniń halyqaralyq dinaralyq bastamalary arqyly, onyń ishinde Álemdik jáne dástúrli dinder lıderleriniń sezderi aıasynda álemge usynyp otyr», dedi Q.Toqaev.
R.Hýsseın mádenıetaralyq jáne konfessııaaralyq únqatysýdy ilgeriletýdegi Qazaqstannyń úlesin joǵary baǵalady jáne bizdiń elimizdiń Islam Konferensııasy Uıymyna tabysty tóraǵalyq etetinine senim bildirdi.