Keshe Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaevtyń tóraǵalyǵymen Astanada 15 maýsymda ShYU qurylǵanyna 10 jyl tolýyna oraılastyrylǵan Uıymǵa múshe memleketter basshylarynyń mereıtoılyq keńesi otyrysyna daıyndyq sharalary men júzege asyrý máselelerin talqyǵa salǵan Uıymdastyrý komıtetiniń jınalysy bolyp ótti.
Jınalys barysynda QR-nyń ShYU-daǵy 8 aı tóraǵalyǵynyń nátıjeleri shyǵaryldy. Qalǵan 4 aı ishinde Astanada Uıym Syrtqy ister mınıstrleriniń keńesi jáne ShYU-nyń mereıtoılyq Sammıti ótedi. Atalǵan halyqaralyq sharalardy durys daıyndaý maqsatynda Uıymdastyrý komıtetiniń aıasynda jumys toptary quryldy.
Uıymdastyrý komıtetiniń otyrysy qorytyndysy boıynsha barlyq qatysy bar memlekettik mekemelerge ShYU Sammıtiniń mazmundy tolyqtyrý jaǵynan, qatysýshylardyń qaýipsizdigin qamtamasyz etý turǵysynan jáne sharanyń aqparattyq taralýyna qatysty naqty tapsyrmalar júkteldi, dep habarlady QR SIM-iniń baspasóz qyzmeti.