Bolashaq onjyldyqqa jańa jetistiktermen

Qazaqstan Respýblıka­sy­nyń Prezıdenti Nursultan Nazar­baev­tyń «Bolashaqtyń irgesin birge qalaımyz» atty Qazaq­stan halqyna Joldaýyn akademık E.A.Bóketov atyndaǵy Qa­ra­ǵandy memlekettik ýnıver­sı­tetiniń ujymy erekshe jigermen qarsy aldy, sebebi, ol Táýelsizdiktiń 20 jyldyǵyn qo­­rytyndylap, bolashaq ta­bys­tar strategııasyn aıqyndap berip otyr. Memleket basshysy Qazaq­stan­nyń álemdik saıasattaǵy, ulttyq ekonomıkadaǵy, azamat­tyq qoǵamdy nyǵaıtýdaǵy jetistikterin atap ótti. Bizdiń eli­mizdiń áleýmettik-ekonomıka­lyq damýynyń nátıjeleri kóp­tegen qarqyndy jetilip kele jatqan elderdiń osyndaı kór­setkishterinen áldeqaıda joǵa­ry ekendigin erekshe aıtty. My­saly, jan basyna shaqqan­daǵy ishki jalpy ónim 1994 jylmen salystyrǵanda 12 esege ósti, bul Qazaqstannyń álem elderiniń ishinde 53-shi oryndy ıelenýine múmkindik berdi. Turaqty damý jáne aza­mat­tyq kelisim kepili bola otyryp, Prezıdent senimdi túrde jańa onjyldyqtyń mindetterin aı­qyn­daıdy. Aldaǵy onjyldyq­tyń negizgi basymdyqtary jedeldetilgen ındýstrııalandyrý, shynaıy ekonomıka men agro­ónerkásiptik keshendi kúsheıtý, áleýmettik jańarý, ǵylym, bilim men óndiristi shoǵyrlan­dy­rý, ulttyq densaýlyq saqtaý júıe­sin jetildirý bolyp tabylady. Memleket qabyldaǵan ın­dýs­trııalyq-ınnovasııalyq damý baǵdarlamasy, bilimdi, densaýlyq saqtaý salasyn, jalpy, qazaq­stan­dyqtardyń ómiri men ál-aýqatyn jańa sapaly deńgeıge jetkizýge baǵyttalǵan. Qabyl­dan­ǵan baǵdarlamalardy júzege asyrý ishki jalpy ónim, halyq sany, ómir súrý uzaqtyǵy, ju­mys­syzdyq deńgeıin tómendetý sııaqty sapalyq kórsetkishterdiń artýyna alyp keledi. Prezıdenti­mizdiń birizdi saıasatynyń arqa­synda elimiz álemdik qarjy daǵ­darysynan múdirmeı ótip, kásip­kerlikpen aınalysý úshin qolaı­ly jaǵdaı jasady, azamattardyń áleýmettik ál-aýqatynyń artýyn qamtamasyz etti. Memleket bas­shy­synyń alǵa qoıylǵan maqsat­tarǵa qol jetkizýdegi senimdiligin bólise otyryp, akademık E.A.Bóketov atyndaǵy QarMÝ ujy­my Prezıdenttiń qazaqstan­dyq qoǵam ómiriniń barlyq salalaryn ári qaraı ózgertý jónindegi bas­tamalaryn toly­ǵymen qoldaıdy. Qaraǵandy memlekettik ýnı­ver­sıtetiniń stýdentteri men oqy­týshylary Qazaqstan Respýb­lıkasyndaǵy 2011-2020 jyldar­ǵa arnalǵan bilim berýdi damy­týdyń Memlekettik baǵdarlama­synda kórinis tapqan Prezıdent­tiń otandyq bilim berý júıesin ári qaraı jańartý týraly sózde­rin erekshe yqylaspen qabyl­dady. Biz Prezıdenttiń sapaly bilim – bul elimizdiń ınnovasııa­lyq damýynyń negizi degen pikirin tolyqtaı qoldaımyz jáne básekege qabiletti mamandardy daıyndaýdaǵy bizge júktelgen jaýapkershilikti sezinemiz. Bilim jáne ǵylym salasyndaǵy ın­novasııalyq saıasatty qoldaı otyryp, ýnıversıtet óndiriske ǵylymı ázirlemelerdi engizý, jańa formasııadaǵy kadrlardy daıyndaý, bilim berý baǵdar­la­malaryn akkredıtteý, reıtıngterge qatysý boıynsha úlken jumys atqarady. Memleket pen Bilim jáne ǵylym mınıstrliginiń turaqty qoldaýynyń arqasynda ýnıversıtette jańa bilim berý tehno­lo­gııalaryn engizýge, irgeli jáne qoldanbaly zertteýler júr­gizýge, stýdent jastardyń ıntellektýaldyq jáne shyǵar­mashylyq áleýetterin damytýǵa múmkindik beretin zamanaýı resýrstyq baza qalyptastyryl­ǵan. Stýdentter men oqytý­shy­larǵa qamqorlyq stıpendııa, eńbekaqy mólsheriniń ósýinen, granttardyń bólinýinen kórinis tapsa, bul – áleýmettik optı­mızmniń artýyna jáne bola­shaq­qa senimmen qaraýǵa naqty sebep. Balalardyń oqýyna qa­rajat jınaýdyń Prezıdent usyn­ǵan tetikteri joǵary bilimge qoljetimdilikti aıtarlyqtaı arttyrady. Innovasııalyq Nazarbaev Ýnıversıteti men ın­tel­lektýaldyq Nazarbaev mek­tep­teri­niń qyzmet etýi Qa­zaq­stan­nyń ıntellektýaldyq elı­tasy­nyń qalyptasýyna yqpal etedi. Prezıdenttiń «Bolashaqtyń irgesin birge qalaımyz» Jol­daýy damýdyń jańa kezeńinde beıbitshilik pen jasampazdyq saıa­satyn jalǵastyratyn Qazaq­stan Táýelsizdiginiń 20 jyl­dy­ǵyn merekeleıtin mereıtoı jylyn bastaıdy. Erkin KО́BEEV, E.A.Bóketov atyndaǵy QarMÝ rektory.