Astana qalalyq shtaby quryldy

Keshe «Nur Otan» HDP Astana qalalyq fılıalynda  Qa­zaq­stan Respýblıkasy prezıdenttigine kandıdat N.Nazar­baev­ty qoldaý jónindegi qalalyq qoǵamdyq shtabtyń tusaýkeseri boldy. Ol 12 aqpanda qurylǵan res­pýblıkalyq qoǵamdyq shtabtyń fılıaly bolmaqshy. Tusaýkeser rásimin «Nur Otan» HDP Astana qalalyq fılıaly tóraǵasynyń birinshi orynbasary, shtab tór­aǵasy Ámirhan Rahymjanov ashyp, júrgizip otyrdy. Shtab­tyń basty maqsaty prezıdenttikke kandıdat, «Nur Otan» HDP Tóraǵasy Nursultan Nazar­baev­tyń saılaý naýqanyna biregeı qoldaý kórsetý, onyń saılaýaldy tuǵyrnamasyn nasıhattaý jónin­degi úgit-nasıhattyq is-sharalar ótkizý, dedi ol óziniń kirispe sózinde. Búgin shtab músheleriniń bárin jınap, jumys josparymen tanystyramyz. Shtab bólimshe­leriniń, qoǵamdyq jyljymaly qabyldaýlardyń qaıda bolaty­ny, barlyq ornalasqan jerleri búgin aıtylatyn bolady. 3 naý­ryzdan bastap resmı túrdegi nasıhat jumystary bastalatyny belgili. Biz sol ýaqyttan bastap ha­lyqpen jıi kezdesip, úgit-na­sıhat ónim­derin taratýmen qatar, qabyl­daýlar ótkizetin bolamyz. Astana qalalyq qoǵamdyq shtaby­nyń quramy 19 adamnan tu­rady. Olardyń qatarynda partııa belsendileri, ardagerler, etno­mádenı birlestikter, ÚEU basshy­lary jáne t.b. bar. Ju­mys­shy organy alty bólimnen turady. So­nyń ishinde uıym­dastyrý, zań­ger­lik, qarjylyq, ma­terıaldyq-tehnıkalyq qam­syz­dandyrý, bas­pa­sóz jáne qoǵam­dyq qabyldaý bó­limderi bar. Búgingi tańdaǵy qyzý jumys N.Nazarbaevtyń prezıdenttikke kandıdattyǵyn qol­daý­ǵa qol jınaý bolyp otyr eken. Shtab tóraǵasynyń aıtýyna qara­ǵan­da, qaladan 20 myńnan artyq qol jınalýǵa tıisti. Odan ári prezıdenttikke kandıdattyń senimdi ókilderin irikteý, partııanyń saılaý ýchaskelerindegi baqylaýshy­laryn anyqtaý jáne t.b. tolyp jatqan sharalar ketedi. Mine, osyndaı kózge kórinbese de, mańyzy  zor qyrýar sharýamen  shtab qyzý aınalysatyn bolady. Jaqsybaı SAMRAT.