Aýyldyń órkendeýi – Qazaqstannyń qaryshtaýy

Elimizdiń saıası ómirindegi negizgi kúsh bolyp sanalatyn «Nur Otan» halyqtyq-de­mo­kratııalyq partııasynyń HIII quryl­taıyna Syr elinen 50-ge tarta adam q­a­tys­tyq. Partııa sezinde aýqymdy máse­leler kó­terildi. Quryl­taı basqosýynyń negizgi ózegi partııa­nyń bolashaqqa arnalǵan aýqym­dy baǵdar­la­ma­syn qabyldaý boldy. Bul bizdiń 2020 jylǵa deıingi damýymyzdy aıqyndaı­tyn, búgingi kúnniń jáne kele­shektiń talaby­na jaýap beretin qu­jat dep qabyldaýymyz qajet. Sondaı-aq par­tııanyń jańa saıası keńesiniń quramy, revı­zııa­lyq komıssııanyń músheleri saılanyp, bıylǵy jyly ótetin saılaýǵa Tuńǵysh Prezıdentimiz Nursultan Nazarbaev­tyń kandıda­týra­syn usyndyq. Qazaqstandyq­tar men sheteldik qonaqtardyń pikirleri bir arnada toǵys­ty. Bul degenimiz – Elbasy­myz­dyń saıası tulǵasy, qaıratkerlik bolmysy álemdik saıasatta úlken baǵaǵa ıe bolǵan­dyǵynyń aıǵaǵy. Prezıdent Nursultan Nazarbaevtyń sezde sóılegen sózi ózime úlken áser qal­dyr­dy.  Máselen, sońǵy jyldary álemdik ry­nokta etke degen suranys artty. BUU-nyń Azyq-túlik jáne aýyl sharýashylyǵy uıy­mynyń zertteýinshe, jer betinde mal basy­nyń kemýi men as­tyq tapshylyǵynyń sal­dary et óniminiń ózin­dik qunynyń kóterilýi­ne ákelip soǵýda. Osy­ǵan oraı, Memleket bas­shysy osy salaǵa úlken mindetter júk­te­di. Aýyl sharýashylyǵyndaǵy eńbek ónim­diligi 2014 jylǵa qaraı 2 ese, 2020 jylǵa qaraı 4 ese ósetindigin basa aıtty. Agrarlyq sektorda etti mal sharýashylyǵyn damytý jóninde buryn-sońdy bolyp kórmegen jobalar júzege asyrylmaq. Munyń quny 4 mıllıon tonna bıdaı eksportyna teń. Memleket  bul maqsatqa 130 mıllıard teńgelik nesıe resýrstaryn bólmek. Jalpy, mal sharýashylyǵyn damytý – ol aýyldy damytý. Al aýyldyń órkendeýi – Qazaqstannyń qaryshtaýy. Bul – áleýmettik máseleni sheshý, jastardy, arnaıy maman­dar­dy aýylǵa tartý degen sóz. Elbasynyń, sonymen qatar, shaǵyn jáne orta bızneske nesıe berý tetikterin júıeleý, bilim berý, densaýlyq saqtaý salalaryn jandandyrý, demografııanyń ósýin qamtamasyz etý týraly aıtqan pikirleri óte oryndy. Elbasy Nursultan Nazarbaev – kóregen saıasatker. Buǵan eshkimniń talasy  joq. Prezıdentimiz – tek óz elimizde ǵana emes, halyqaralyq sahnada óz orny aıqyndalǵan tulǵa. Bul – qazaq úshin úlken mártebe. Sondyqtan  Elbasyna halyq úlken qoldaý kórseterine kámil senemin. Nájmádın MUSABAEV, Aral aýdanynyń ákimi. Qyzylorda oblysy.