Taldyqorǵanda «Mádenı mura» memlekettik baǵdarlamasy aıasynda «HHI ǵasyr kitaphanasy: jastar strategııasy» taqyrybynda respýblıkalyq jas kitaphanashylar forýmy ótti. Sóıtip elimizdegi eń alǵashqy kitaphana týrızmi Jetisý jerinde bastaldy. Forýmdy Almaty oblysy ákiminiń orynbasary Baqtııar О́nerbaev ashyp, júrgizip otyrdy. Zaman aǵymyna oraı damyǵan órkenıetti elder qatarynan oryn alý úshin jasalyp jatqan bul qadamnyń bir maqsaty kitap álemi men ınternettegi áleýmettik jelilerdiń arasynda jaqsy baılanys qalyptastyrý bolyp tabylady. Ortaq múddege oraı QR Ulttyq akademııalyq kitaphanasynyń basshysy, pedagogıka ǵylymdarynyń doktory, professor Úmithan Muńalbaeva, belgili fılosof ǵalym Ǵarıfolla Esim, Memlekettik syılyqtyń laýreaty, aqyn Nesipbek Aıtuly, jazýshy-ǵalym Tursyn Jurtbaı jáne kitaphana salasynyń mamandary soqtaly oı, qundy pikir qosty. Negizi zııaly qaýym ókilderi qasıetti nárse qarapaıym bolatyndyǵyn, adamǵa ilim sáýlesin túsirý kitaptan bastalatyndyqtan kitaphanany qoldaý qoǵamdy damytý ekendigin basa aıtty.
Búginde respýblıka boıynsha 11300 kitaphana jumys isteıdi. Oǵan 4 mln 782 oqyrman baryp, rýhanı qajettiligin ótese, áleýmettik jeli feısbýkte kitaphana dostary sany 1686. Árıne az. Biraq kún sanap ósip kele jatqany qýantady.
Sonymen Taldyqorǵanda bastalǵan kitaphana týrızmi oblystaǵy aýdandar men qalalarda jalǵasty.
Nurbol ÁLDIBAEV,
«Egemen Qazaqstan»
TALDYQORǴAN