Búgin Astana qalasyndaǵy «Otan Ana» alańynda Qazaqstan halqy Assambleıasy Analar keńesiniń uıymdastyrýymen Semeı ıadrolyq polıgony jabylýynyń 25 jyldyǵyna arnalǵan «Aq oramal» respýblıkalyq aksııasy ótti.
Is-sharaǵa Parlament Məjilisiniń depýtattary, QHA Analar keńesiniń, «Jarasym» respýblıkalyq jastar uıymynyń músheleri, memlekettik organdar men etnomədenı birlestikterdiń ókilderi, jastar qaýymy jáne BAQ ókilderi qatysty.
Shara barysynda Prezıdent Ákimshiligi QHA hatshylyǵynyń sektor meńgerýshisi Nazıpa Shanaı atalmysh aksııanyń tereń maǵynasyna, maqsaty men mindetterine toqtaldy. «Búgin Qazaqstan halqy Assambleıasynyń Analar keńesi analyq júregimen aq oramaldaryn aq nıeti retinde jelbiretip, Elbasymyzdyń beıbitshil bastamalaryn qoldaý maqsatynda «Aq oramal» aksııasyn ótkizýde», – dedi ol óz sózinde.
Sonymen qatar, Parlament Májilisiniń depýtaty Nadejda Nesterova men jazýshy Saýle Dosjanova «Əlem.HHI ǵasyr» manıfesi men Elbasy N.Ə.Nazarbaevtyń beıbitshil bastamalaryn qoldaý týraly Analar keńesiniń Qazaqstan halqyna úndeýin oqydy.
Is-shara barysynda merekelik konsert uıymdastyrylyp, «Aq oramal – aq nıet» teatrlandyrylǵan mýzykalyq qoıylymy kórsetildi.
Aıdar О́RISBAEV