2015 jylǵy 19 qarasha, Astana qalasy
«Qazaqstan Respýblıkasynan tys jerge ýaqytsha jumystarmen ketken jáne sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmet standartyn bekitý týraly
«Memlekettik kórsetiletin qyzmetter týraly» Qazaqstan Respýblıkasynyń 2013 jylǵy 15 sáýirdegi Zańynyń 10-babynyń 1) tarmaqshasyna sáıkes buıyramyn:
1. Qosa berilip otyrǵan «Qazaqstan Respýblıkasynan tys jerge ýaqytsha jumystarmen ketken jáne sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmet standarty bekitilsin.
2. Qazaqstan Respýblıkasy Syrtqy ister mınıstrliginiń Konsýldyq qyzmet departamenti:
1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty Qazaqstan Respýblıkasynyń Ádilet mınıstrliginde memlekettik tirkeýden ótkizgennen keıin kúntizbelik on kún ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Syrtqy ister mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaýdy Qazaqstan Respýblıkasynyń Syrtqy ister Mınıstriniń birinshi orynbasary R.S.Joshybaevqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr E.YDYRYSOV
«KELISILDI» «KELISILDI»
Qazaqstan Respýblıkasynyń Ulttyq ekonomıka Qazaqstan Respýblıkasynyń Ishki ister
mınıstri ________________E.DOSAEV mınıstri _______________Q.QASYMOV
20___ jylǵy 2 jeltoqsan 20___ jylǵy 7 jeltoqsan
Qazaqstan Respýblıkasy Syrtqy ister mınıstriniń
2015 jylǵy 10 jeltoqsandaǵy № 11-1-2/517 buıryǵymen bekitilgen
«Qazaqstan Respýblıkasynan tys jerge ýaqytsha jumystarmen ketken jáne
sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmet standarty
1. Jalpy erejeler
1. «Qazaqstan Respýblıkasynan tys jerge ýaqytsha jumyspen ketken jáne sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmeti (budan ári – memlekettik kórsetiletin qyzmet).
2. Memlekettik kórsetiletin qyzmet standartyn Qazaqstan Respýblıkasynyń Syrtqy ister mınıstrligi (budan ári – Mınıstrlik) ázirledi.
3. Memlekettik kórsetiletin qyzmet Qazaqstan Respýblıkasynyń shetelderdegi mekemelerimen jáne Qazaqstan Respýblıkasynyń Ishki ister mınıstrligimen (budan ári – kórsetiletin qyzmetti berýshi) kórsetiledi.
Qujattardy qabyldaý jáne memlekettik qyzmet kórsetý nátıjelerin berý Qazaqstan Respýblıkasynyń shetelderdegi mekemeleri arqyly júzege asyrylady.
2. Memlekettik qyzmetti kórsetý tártibi
4. Memlekettik qyzmetti kórsetý merzimi:
1) kórsetiletin qyzmetti berýshige qujattar toptamasyn tapsyrǵan kúninen bastap 3 (úsh) aıdan aspaıdy.
2) qujattar toptamasyn tapsyrý úshin kezek kútýdiń ruqsat etilgen eń uzaq ýaqyty – 60 mınýt;
3) kórsetiletin qyzmetti alýshyǵa qyzmet kórsetýdiń ruqsat etilgen eń uzaq ýaqyty – 10 mınýt;
5. Memlekettik qyzmet kórsetý nysany: qaǵaz túrinde.
6. Memlekettik qyzmet kórsetý nátıjesi - osy standartqa 1-qosymshaǵa sáıkes, jeke adamnyń (budan ári – kórsetiletin qyzmetti alýshy) pasportyna turǵylyqty turýǵa ruqsat alý týraly jazbany engizý.
Memlekettik qyzmet kórsetý nátıjesin berý nysany: qaǵaz túrinde.
7. Memlekettik kórsetiletin qyzmet «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń 2008 jylǵy 10 jeltoqsandaǵy Kodeksiniń (Salyq kodeksi) 552-babynda belgilengen konsýldyq alym mólsherlemeleri boıynsha aqyly negizde kórsetiletin qyzmetti alýshylarǵa kórsetiledi.
Konsýldyq alym somasyn tóleý qolma-qol aqshalaı nemese qolma-qol aqshasyz túrde ekinshi dárejeli bankter nemese bank operasııalarynyń jekelegen túrlerin júzege asyratyn uıymdar arqyly júrgiziledi.
8. Kórsetiletin qyzmetti berýshiniń jumys kestesi: Qazaqstan Respýblıkasynyń eńbek zańnamasyna sáıkes demalys jáne mereke kúnderinen basqa, dúısenbiden bastap jumany qosa alǵanda, saǵat 13.00-den 14.30-ǵa deıingi túski úzilispen saǵat 09.00-den 18.30-ǵa deıin.
Qujattardy qabyldaý saǵat 09.30-dan 12.30-ǵa deıin, al memlekettik qyzmet kórsetý nátıjelerin berý saǵat 16.00-den 17.00-ge deıin júzege asyrylady. Sársenbi qabyldamaıtyn kún.
Memlekettik kórsetiletin qyzmet aldyn ala jazylýsyz jáne jedel qyzmet kórsetýsiz, kezek kútý tártibimen júzege asyrylady.
9. Kórsetiletin qyzmetti alýshy (ne senimhat boıynsha onyń ókili) kórsetiletin qyzmetti berýshige júgingen kezde memlekettik qyzmetti kórsetý úshin qajetti qujattar tizbesi:
1) memlekettik qyzmet berýshiniń basshysynyń atyna aryz;
2) osy standartqa 2-qosymshaǵa sáıkes, belgilengen nysandaǵy saýalnama;
3) bolý eliniń quzyretti organdarynyń turaqty turýǵa bergen ruqsaty;
4) 4 h 5 santımetr kólemindegi eki foto sýret;
5) ulttyq pasporttyń kserokóshirmesi;
6) konsýldyq alymnyń tólengenin rastaıtyn qujattyń túpnusqasy.
On segiz jasqa tolmaǵan Qazaqstan Respýblıkasynyń azamattary ata-anasynyń birimen (qamqorshysymen, qorǵanshysymen) birge turaqty turýǵa qalǵan kezde Qazaqstan Respýblıkasynyń aýmaǵynda turatyn ekinshi ata-anasynyń notarıaldy túrde rastalǵan kelisimi. Ata-anasynyń biriniń kelisimi bolmaǵan kezde, kámelet jasqa tolmaǵannyń ketýi sot tártibimen sheshiledi.
Kórsetiletin qyzmetti alýshy kórsetiletin qyzmetti berýshige barlyq qajetti qujattardy tapsyrǵan kezde, qaǵaz jetkizgishtegi ótinishtiń kóshirmesindegi qabyldaý kúni, qabyldaǵan adamnyń tegi, aty, ákesiniń aty jáne qujattar toptamasyn qabyldaǵan ýaqyty kórsetilgen belgi onyń qabyldanǵanyn rastaý bolyp tabylady.
3. Ortalyq memlekettik organnyń, sondaı-aq kórsetiletin qyzmetti berýshiniń jáne (nemese)
olardyń laýazymdy adamdarynyń memlekettik qyzmet kórsetý máseleleri jónindegi sheshimderine, áreketterine (áreketsizdigine) shaǵymdaný tártibi
10. Kórsetiletin qyzmetti berýshiniń jáne (nemese) onyń laýazymdy adamdarynyń memlekettik qyzmet kórsetý máseleleri boıynsha sheshimderine, áreketterine (áreketsizdigine) shaǵymdaný: shaǵym osy memlekettik kórsetiletin qyzmet standartynyń 12-tarmaǵynda kórsetilgen mekenjaı boıynsha kórsetiletin qyzmetti berýshi basshysynyń atyna beriledi.
Shaǵym kórsetiletin qyzmetti berýshiniń keńsesi arqyly qolma-qol nemese poshta arqyly jazbasha túrde qabyldanady.
Shaǵymdy qabyldaǵan adamnyń tegi men aty-jóni, berilgen shaǵymǵa jaýap alý merzimi men orny kórsetile otyryp, kórsetiletin qyzmetti berýshiniń keńsesinde tirkeý (mórtańba, kiris nómiri men kúni) shaǵymnyń qabyldanǵanyn rastaý bolyp tabylady.
Kórsetilgen qyzmetti alýshynyń shaǵymynda onyń tegi, aty, ákesiniń aty, pochta mekenjaıy shyǵys nómiri jáne ýaqyty kórsetiledi. Shaǵymda kórsetiletin qyzmetti alýshynyń qol tańbasy bolý kerek.
Kórsetiletin qyzmetti berýshiniń atyna kelip túsken kórsetiletin qyzmetti alýshynyń shaǵymy tirkelgen kúninen bastap bes jumys kúni ishinde qaralýǵa jatady.
Kórsetilgen memlekettik qyzmet nátıjelerimen kelispegen jaǵdaıda, kórsetiletin qyzmetti alýshy memlekettik qyzmetti kórsetý sapasyn baǵalaý jáne baqylaý jónindegi ýákiletti organǵa shaǵymmen júgine alady.
Memlekettik qyzmet kórsetý sapasyn baǵalaý jáne baqylaý jónindegi ýákiletti organnyń atyna kelip túsken kórsetiletin qyzmetti alýshynyń shaǵymy tirkelgen kúninen bastap on bes jumys kúni ishinde qaralady.
11. Kórsetilgen memlekettik qyzmettiń nátıjelerimen kelispegen jaǵdaılarda, kórsetiletin qyzmetti alýshynyń Qazaqstan Respýblıkasynyń zańnamasynda belgilengen tártippen sotqa júginýge quqyǵy bar.
4. Memlekettik qyzmet kórsetý erekshelikterin eskere otyryp qoıylatyn ózge talaptar
12. Memlekettik qyzmetti kórsetý oryndarynyń mekenjaılary Mınıstrliktiń www.mfa.gov.kz ınternet-resýrsynda ornalastyrylǵan.
13. Memlekettik qyzmetti kórsetý tártibi men onyń mártebesi týraly aqparatty kórsetiletin qyzmetti alýshynyń memlekettik qyzmet kórsetý máseleleri jónindegi biryńǵaı baılanys ortalyǵy arqyly alýǵa múmkindigi bar.
14. Memlekettik qyzmetti kórsetý máseleleri boıynsha anyqtama qyzmetteriniń baılanys telefondary www.mfa.gov.kz ınternet-resýrsynda «Memlekettik kórsetiletin qyzmet» bóliminde kórsetilgen, memlekettik qyzmetti kórsetý máseleleri jónindegi biryńǵaı baılanys ortalyǵynyń nómiri - 1414, 8 800 080 7777.
«Qazaqstan Respýblıkasynan tys jerge ýaqytsha jumyspen ketken jáne sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmet standartyna 1- qosymsha
nysan
_________________________________________________________turǵylyqty turýǵa ruqsat etildi.
(memlekettiń ataýy)
20__ jylǵy «_____» _______________
_____________________________________________________________________________________
(konsýldyq laýazymdy tulǵanyń T.A.Á-y jáne laýazymy)
«Qazaqstan Respýblıkasynan tys jerge ýaqytsha jumyspen ketken jáne sol jerde turǵylyqty turýǵa nıet bildirgen Qazaqstan Respýblıkasy azamattarynyń qujattaryn qabyldaý jáne joldaý» memlekettik kórsetiletin qyzmet standartyna 2-qosymsha
_____________________________________________________________________________________________
(memleketti kórsetińiz)
turǵylyqty turýǵa ruqsat berý týraly ótinish bildirýshiler úshin
1 Famılııasy, aty-jóni, ákesiniń aty (bar bolsa).
Eger basqa famılııasy, aty-jóni, ákesiniń aty (bar bolsa) bolsa, olardy kórsetińiz.
2 Týǵan jeri, kúni, aıy, jyly.
3 Ulttyq pasporttyń nómiri, berilgen kúni jáne bergen memlekettik organ.
4 Sońǵy tirkelim ornyńyz.
5 Keter aldynda Qazaqstan Respýblıkasynda tikeleı turǵan meken-jaıyńyz.
6 Sońǵy 5 jyldaǵy jumys (oqý, qyzmet) ornyńyz. Sońǵy jumys (qyzmet) ornyńyzdy qosa alǵanda, Qazaqstan Respýblıkasynyń memlekettik qupııalaryna ruqsattyń bolýy.
7 Qashan, kimge jáne qandaı merzimge keldińiz.
8 Sizdiń sheteldik meken-jaıyńyz, telefon nómirińiz.
9 Sizben birge kelgen 16 jasqa deıingi balalar (Famılııasy, aty-jóni, ákesiniń aty).
10 Sizdiń jeke kýáligińizdiń, áskerı bıletińizdiń jáne Sizdiń eńbek joly týraly qýattaıtyn qujattardyń ornalasqan jeri.
Eger bul qujattar Sizdiń qolyńyzda bolsa, olardy saýalnamaǵa qosa tirkeý kerek.
Eger Qazaqstan Respýblıkasynda bolsa, onda kimde ekeni jáne onyń naqty meken-jaıyn kórsetińiz.
Eger zeınetker bolsańyz, onda qaı ýaqyttan beri ekeni, sondaı-aq zeınetkerdiń mártebesin rastaıtyn qujatty (bar bolsa), onyń nómirin, berilgen kúnin kórsetińiz.
11 Qazaqstanda nemese Táýelsiz Memleketter Dostastyǵynyń elderinde turatyn Sizdiń jaqyn týystaryńyzdyń (áke-sheshesi, jubaıy, týǵan aǵa-qaryndastary, balalary) aty-jónderi, meken-jaılary.
12 Turǵylyqty turýǵa qalýǵa Sizdiń sheshimińizdiń sebepteri.
13 Qosymsha:
_____________ (memlekettik kórsetiletin qyzmetti alýshynyń qoly)
20__ jylǵy « __ » _____________
Buıryq Qazaqstan Respýblıkasynyń Ádilet mınıstrliginde 2016 jylǵy 8 qańtardaǵy Normatıvtik quqyqtyq kesimderdi memlekettik tirkeýdiń tizilimine №12830 bolyp engizildi.