2015 jylǵy 28 jeltoqsan , Astana qalasy
Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalaryn bekitý týraly
Qazaqstan Respýblıkasy Qylmystyq-atqarý kodeksiniń 16-babyna sáıkes, buıyramyn:
1. Qosa berilip otyrǵan múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalary bekitilsin.
2. Qazaqstan Respýblıkasy Ishki ister mınıstrliginiń Qylmystyq-atqarý júıesi komıteti (B.M.Berdalın):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde Qazaqstan Respýblıkasy normatıvtik quqyqtyq etalondy baqylaý bankine Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna ornalastyrý úshin onyń kóshirmesin joldaýdy;
4) osy buıryqtyń Qazaqstan Respýblıkasy Ishki ister mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrylýyn;
5) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde atalǵan buıryqtyń 2), 3) jáne 4) tarmaqshalarynda kózdelgen is-sharalardy oryndaý týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary B.B. Bısenqulovqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on
kún ótken soń qoldanysqa engiziledi.
Qazaqstan Respýblıkasynyń Ishki ister mınıstri Q.QASYMOV
«KELISILDI»
Qazaqstan Respýblıkasy Densaýlyq saqtaý jáne
áleýmettik damý mınıstri ____________ T.DÚISENOVA
2016 jylǵy 25 qańtar
Qazaqstan Respýblıkasy Ishki ister mınıstriniń 2015 jylǵy 28 jeltoqsandaǵy №1088 buıryǵymen bekitilgen
Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalary
1. Jalpy erejeler
1. Osy Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalary (budan ári – Qaǵıda) múgedekterdi ońaltýdyń jeke baǵdarlamasyna (budan ári – OJB) sáıkes tehnıkalyq kómekshi (kompensatorlyq) qural-jabdyqtar men arnaıy júrip-turý quraldaryn resimdeý jáne usynýdy uıymdastyrý tártibin belgileıdi.
2. Osy Qaǵıdalarda mynadaı negizgi uǵymdar paıdalanylady:
1) arnaıy júrip-turý quraldary – múgedekterdiń belsendi jáne baıaý júrip-turýyna arnalǵan tehnıkalyq kómek túri;
2) múgedektigi bar sottalǵan – tirshiliginiń shektelýine jáne ony áleýmettik qorǵaý qajettigine ákep soqtyratyn, aýrýlarǵa, mertigýlerge (jaralanýǵa, jaraqattarǵa, kontýzııalarǵa), olardyń zardaptaryna, kemistikterge baılanysty aǵza fýnksııalary turaqty buzylyp, densaýlyǵy nasharlaǵan adam;
3) múgedektik – aǵza fýnksııalary turaqty buzylyp, densaýlyqtyń buzylýy saldarynan adam tirshiliginiń shektelý dárejesi;
4) múgedekti ońaltýdyń jeke baǵdarlamasy – múgedekti ońaltýdan ótkizýdiń naqty kólemin, túrleri men merzimderin belgileıtin qujat;
5) mindetti gıgıenalyq quraldar – tabıǵı fızıologııalyq muqtajdyqtardy jáne qajettilikterdi qanaǵattandyrýǵa arnalǵan quraldar;
6) protezdik-ortopedııalyq quraldar – kem aıaq-qoldy nemese deneniń basqa da múshelerin almastyratyn, aýrýdyń nemese densaýlyqqa zaqym kelýdiń saldarynan aǵzanyń buzylǵan nemese joǵaltqan fýnksııalarynyń ornyn toltyratyn quraldar;
7) sýrdotehnıkalyq quraldar – estý kemistikterin túzeýge jáne olardyń ornyn toltyrýǵa arnalǵan, sonyń ishinde baılanys quraldary men aqparat berýdi kúsheıtetin tehnıkalyq quraldar;
8) tehnıkalyq kómekshi (kompensatorlyq) quraldar – protezdik-ortopedııalyq jáne sýrdo-tıflotehnıkalyq quraldar men mindetti gıgıenalyq quraldar; 9) tıflotehnıkalyq quraldar – múgedekterdiń kórý kemistigi saldarynan joǵaltqan múmkindikterin túzeýge jáne olardyń ornyn toltyrýǵa baǵyttalǵan quraldar.
2. Tehnıkalyq kómekshi (kompensatorlyq) quraldar men arnaıy júrip-turý quraldaryn usyný erejesi
3. Múgedektikti jáne eńbek etý qabiletinen aıyrylý dárejesin belgileýdi, sondaı-aq kýálandyrylatyn adamnyń áleýmettik qorǵaý sharalaryna qajettiligin aıqyndaýdy medısınalyq-áleýmettik saraptama (budan ári – MÁS) jolymen júrgizedi.
4. Qylmystyq-atqarý júıesi mekemeleriniń (budan ári – QAJ mekemeleri) medısınalyq uıymdarynyń dárigerlik-konsýltasııalyq komıssııasynyń joldamasy:
1) aǵza fýnksııalary turaqty buzylǵan kezde alǵash kýálandyrý;
2) qaıtalap kýálandyrý (qaıta kýálandyrý);
3) medısınalyq uıymdardyń dárigerlerine konsýltasııalyq kómek kórsetý maqsatynda MÁS júrgizý úshin negizdeme bolyp tabylady.
5. Mekeme ákimshiligi aýrýlardan, jaraqat nemese kemistik saldarlarynan týyndaǵan aǵza fýnksııalarynyń turaqty buzylýyn rastaıtyn dıagnostıkalyq, emdeý jáne ońaltý is-sharalary keshenin ótkizedi.
6. QAJ mekemesiniń ákimshiligi sottalǵannyń aǵza fýnksııalarynyń turaqty buzylýyn anyqtaǵan kezde QAJ mekemesi ornalasqan jeri boıynsha Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıtetiniń aýmaqtyq bólinisterine (budan ári – aýmaqtyq bólinister) Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵymen bekitilgen Medısınalyq áleýmettik saraptamany ótkizý qaǵıdalaryna sáıkes (Normatıvtik quqyqtyq aktilerdi memlekettik tirkeý tiziliminde № 10589 tirkelgen) kýálandyratyn adamǵa qujattaryn ázirleıdi jáne usynady.
7. Mekeme ákimshiligi qaıta kýálandyrýdyń kezekti merzimin eskere otyryp, múgedektigi bar sottalǵandarǵa qaıta kýálandyrýǵa (qaıtadan kýálandyrýǵa) mekeme ornalasqan jeri boıynsha aýmaqtyq bólinisterge qujattardy jiberedi.
Múgedektigi bar sottalǵandar QAJ mekemelerine kelgen kezde qaıta kýálandyrýdyń kezekti merzimin eskere otyryp qaıtadan kýálandyrýǵa jatady.
8. Kýálandyrylatyn (qaıta kýálandyrylatyn) adamǵa MÁS QAJ mekemelerinde jáne tergeý ızolıatorlarda ótkiziledi.
MÁS ótkizgen kezde sottalǵannyń bolýy qajet.
9. Sottalǵan MÁS ótkiziletin kezde QAJ mekemeleriniń ákimshiligi aýmaqtyq bólinisterdiń ókilderine erip júredi jáne qaýipsizdigin qamtamasyz etedi.
10. Estý, sóıleý qabiletteriniń aıqyn buzylystary bar (kereńdik, IV dárejedegi qulaq múkistigi, kereń-mylqaýlyq) adamdardy kýálandyrý kezinde mekeme ákimshiligi ymdaý tili mamanynyń (sýrdoaýdarmashy) qatysýyn qamtamasyz etedi.
Sottalǵandy kýálandyrý nátıjesi boıynsha MÁS-pen múgedektigi belgilenedi nemese bas tartý boıynsha qorytyndy shyǵarylyp QAJ mekemesi ákimshiliginiń ókilderine beriledi.
11. Múgedektigi bar sottalǵandardy tehnıkalyq kómekshi (kompensatorlyq) quraldar men arnaıy júrip-turý quraldarymen qamtamasyz etý Qazaqstan Respýblıkasy Úkimetiniń 2005 jylǵy 20 shildedegi № 754 qaýlysymen bekitilgen Múgedekterge beriletin tehnıkalyq kómekshi (kompensatorlyq) quraldar men arnaıy júrip-turý quraldar tizbesine, Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 qańtardaǵy № 26 buıryǵymen bekitilgen Múgedekterdi protezdik-ortopedııalyq kómekpen jáne tehnıkalyq kómekshi (kompensatorlyq) quraldarmen qamtamasyz etý qaǵıdalaryna jáne múgedekterdi arnaıy júrip-turý quraldarmen qamtamasyz etý qaǵıdalaryna (Normatıvtik quqyqtyq aktilerdi memlekettik tirkeý tiziliminde № 10370 tirkelgen) (budan ári – № 26 Buıryq) sáıkes júrgiziledi.
Múgedektigi bar sottalǵandar Qazaqstan Respýblıkasy Ishki ister mınıstriniń 2014 jylǵy 17 qarashadaǵy № 819 buıryǵymen bekitilgen Mekemelerdiń ishki tártipteme qaǵıdalarymen (Normatıvtik quqyqtyq aktilerdi memlekettik tirkeý tiziliminde № 9984 tirkelgen) qatar osy Qaǵıdalarǵa 1-qosymshaǵa sáıkes tehnıkalyq kómekshi (kompensatorlyq) jáne arnaıy júrip-turý quraldardy ózimen birge alyp júredi.
12. Protezdik-ortopedııalyq quraldardyń barlyq túrimen jáne olardy jóndeý, sýrdotehnıkalyq jáne tıflotehnıkalyq quraldarmen, mindetti gıgıenalyq quraldar jáne arnaıy júrip-turý quraldarymen qamtamasyz etý OJB-ge sáıkes memlekettik tapsyrys nemese sottalǵannyń óz qarajattary esebinen jazasyn óteý orny boıynsha júrgiziledi.
Múgedektigi bar sottalǵan protezdik-ortopedııalyq quraldardyń barlyq túrin, sýrdotehnıkalyq, tıflotehnıkalyk quraldar jáne arnaıy júrip-turý quraldaryn qasaqana buzǵan jaǵdaıda olarmen qamtamasyz etý jáne jóndeýi sottalǵannyń óziniń nemese týystarynyń qarajaty esebinen júrgiziledi.
13. Qazaqstan Respýblıkasynyń zańnamalaryna sáıkes jumys berýshiniń kinásinen, sonyń ishinde jazasyn óteý kezinde alynǵan kásibı aýrýlary nemese eńbek jaraqattary bar múgedekter jumys berýshiniń qarajatynan múgedekterdi OJB-ge sáıkes protezdik-ortopedııalyq kómekpen, sýrdotehnıkalyq, tıflotehnıkalyq quraldarmen, mindetti gıgıenalyq zattar men arnaıy júrip-turý quraldarmen qamtamasyz etiledi.
Jumys berýshiniń – jeke kásipkerdiń nemese zańdy tulǵanyń qyzmetiniń toqtatylý jaǵdaıy kezinde jumys berýshiniń kinásinen alynǵan kásibı aýrýlary nemese eńbek jaraqattary bar múgedekterge protezdik-ortopedııalyq kómek, sýrdotehnıkalyq, tıflotehnıkalyq quraldar, mindetti gıgıenalyq zattar men arnaıy júrip-turý quraldar memlekettik bıýdjet qarajaty esebinen usynylady.
14. QAJ mekemeleriniń memlekettik tapsyrys qarajattary esebinen protezdik-ortopedııalyq kómekke, sýrdotehnıkalyq jáne tıflotehnıkalyq quraldarǵa, mindetti gıgıenalyq zattarǵa, arnaıy júrip-turý quraldaryna muqtaj múgedektigi bar sottalǵandardyń qujattary № 26 Buıryqpen bekitilgen tizbe boıynsha sottalǵannyń jazasyn óteý orny boıynsha Astana qalasynyń jumyspen qamtý, eńbek jáne áleýmettik qorǵaý basqarmasyna, Almaty qalasynyń jumyspen qamtý jáne áleýmettik baǵdarlamalarynyń basqarmasyna, aýdandar jáne oblystyq mańyzy bar qalalardyń jumyspen qamtý jáne áleýmettik baǵdarlamalarynyń bólimderine joldanady.
15. Protezdik-ortopedııalyq zattardyń sıpaty men túrine baılanysty protezdik-ortopedııalyq kómek kórsetý boıynsha qyzmet kórsetýdiń jetkizýshisimen ambýlatorlyq nemese stasıonarlyq protezdeý úshin múgedektigi bar sottalǵandy shaqyrý qajettiligi nemese onyń qatysýynsyz tapsyrysty oryndaý anyqtalady. Shaqyrý aldyn ala joldanady.
16. Ambýlatorlyq nemese stasıonarlyq protezdeýge shaqyrý alǵan jaǵdaıda QAJ mekemeleri sottalǵandy protezdik-ortopedııalyq kómek kórsetý boıynsha qyzmet kórsetýdiń jetkizýshisine jetkizýdi jáne onyń kúzetin qamtamasyz etedi.
17. Múgedektigi bar sottalǵandardy jáne olarǵa tehnıkalyq kómekshi (kompensatorlyq) quraldar men arnaıy júrip-turý quraldaryn berýdi esepke alý osy Qaǵıdalarǵa 2-qosymshaǵa sáıkes nysan boıynsha múgedektigi bar sottalǵandardy jáne olarǵa tehnıkalyq kómekshi (kompensatorlyq) quraldar men arnaıy júrip-turý quraldaryn berýdi esepke alý jýrnalynda júrgiziledi.
18. QAJ mekemeleri tehnıkalyq kómekshi (kompensatorlyq) quraldar men arnaıy júrip-turý quraldaryn alǵan múgedektigi bar sottalǵandardyń tizimderin IIM Qylmystyq-atqarý júıesi komıtetine jylyna eki ret usynady.
IIM Qylmystyq-atqarý júıesi komıteti múgedektigi bar sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn berý kezinde olardyń quqyqtaryn, bostandyǵyn jáne zańdy múddeleriniń saqtalýyna vedomstvolyq baqylaý júrgizedi.
Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalaryna 1-qosymsha
Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa usynylatyn jáne ózimen birge alyp júrýge ruqsat etilgen tehnıkalyq kómekshi (kompensatorlyq) quraldar jáne arnaıy júrip-turý quraldarynyń tizbesi
Mekemelerde jazasyn ótep jatqan jáne qamaýdaǵy múgedektigi bar sottalǵandar mynadaı zattar men buıymdardy ózderimen birge alyp júre alady:
1. Protezdik-ortopedııalyq quraldar:
1) apparattar, týtorlar, ortezder;
2) jetek arbalar;
3) korsetter, reklınatorlar, basustaǵyshtar;
4) bandajdar, emdik belbeýler, balalardyń profılaktıkalyq shalbarshalary;
5) ortopedııalyq aıaq-kıim jáne qosymsha tetikter (kebister, sýpınatorlar);
6) apparattarǵa arnalǵan aıaq-kıim.
2. Sýrdotehnıkalyq quraldar:
1) estý apparattary;
2) kohlearlyq ımplanttarǵa sóıleý prosessorlary;
3. Tıflotehnıkalyq quraldar:
1) Braıl júıesi boıynsha jazý quraly;
2) Braıl júıesi boıynsha jazý grıfeli;
3) relefti-noqatty qarippen jazýǵa arnalǵan qaǵaz.
4. Mindetti gıgıenalyq quraldar:
1) nesep qabyldaǵyshtar;
2) nájis qabyldaǵyshtar;
3) jórgekter.
Múgedektigi bar jáne mekemelerde jazasyn ótep júrgen jáne kúzetpen qamaýda otyrǵan sottalǵandarǵa
tehnıkalyq kómekshi (kompensatorlyq) quraldar men arnaıy júrip-turý quraldaryn usyný qaǵıdalaryna 2-qosymsha
Múgedektigi bar sottalǵandardy jáne olarǵa tehnıkalyq kómekshi (kompensatorlyq) quraldar men
arnaıy júrip-turý quraldaryn berýdi esepke alý jýrnaly
№ T.A.Á. Mekeme Múgedektik tobynyń bolýy, múgedektiktiń sebebi Múgedektiktiń berilgen kúni jáne merzimi Qaıta kýá-landyrý kúni OJB sáıkes is-sharalar Tehnıkalyq kómekshi (kompensatorlyq) quraldar men arnaıy júrip-turý quraldarmen qamtamasyz etý
Buıryq Qazaqstan Respýblıkasynyń Ádilet mınıstrliginde 2016 jylǵy 25 aqpandaǵy Normatıvtik quqyqtyq kesimderdi memlekettik tirkeýdiń tizilimine №13238 bolyp engizildi.