Osymen 11-shi ret uıymdastyrylyp otyrǵan «Úlken jıyrmalyqtyń» dástúrli sammıti búgin tústen keıin bastalady (Astana ýaqytymen salystyrǵanda Hanchjoý qalasy 2 saǵat erte júredi). Onyń jumysyna Qazaqstan Prezıdenti Nursultan Nazarbaev qatysady.
Álemdegi jetekshi elderdiń basyn qosyp otyrǵan sammıtte jahandyq ekonomıkanyń ornyqty jáne teńgerimdi ósimin yntalandyrý, halyqaralyq qarjy salasyn jetildirý, onyń reformalaryn alǵa jyljytý, ınklıýzıvti qarjylardy damytý máseleleri talqylanady.
Osy arada aıta ketetin nárse, Qytaı tarapy Qazaqstan Prezıdenti Nursultan Nazarbaevtyń sammıtke qatysýyna úlken mán berip otyr.
Eske sala keteıik, 2015 jylǵy 1 jeltoqsannan bastap «Úlken jıyrmalyqqa» tóraǵalyq Túrkııadan Qytaıǵa ótken bolatyn. «Innovasııalyq, kináratsyz, ózara baılanysty jáne ınklıýzıvti álemdik ekonomıka qurý» taqyrybyndaǵy bul sammıt erteń aıaqtalady.
Joldybaı BAZAR,
«Egemen Qazaqstan» – Hanchjoýdan (Qytaı)