Qazaqstan Prezıdenti G20 sammıtine qatysý aıasynda birqatar memleket jáne delegasııa basshylarymen qysqa kelissózder ótkizdi dep habarlaıdy Aqorda.
Atap aıtqanda, Nursultan Nazarbaev Reseı Federasııasynyń Prezıdenti V.Pýtınmen, Fransııa Prezıdenti F.Ollandpen, Germanııanyń Federaldy kansleri A.Merkelmen, Koreıa Respýblıkasynyń Prezıdenti Pak Kyn Hemen, Ońtústik Afrıka Respýblıkasynyń Prezıdenti D.Zýmamen, Mysyr Prezıdenti A.Sısımen, Senegal Prezıdenti M.Sallmen, sondaı-aq Argentına Prezıdenti M.Makrımen áńgimelesti.
Budan bólek, Memleket basshysy Ispanııanyń Premer-Mınıstri M.Rahoı, Italııanyń Premer-Mınıstri M.Rensı, Úndistannyń Premer-Mınıstri N.Modımen ekijaqty yntymaqtastyqtyń túrli máseleleri jónindegi pikir almasty.
Sondaı-aq, Qazaqstan Prezıdenti halyqaralyq uıymdardyń basshylary – Eýropalyq keńestiń tóraǵasy D.Týskpen, Halyqaralyq valıýta qorynyń basqarýshy dırektory K.Lagardpen, Qarjylyq turaqtylyq jónindegi keńestiń tóraǵasy M.Karnımen jáne Ekonomıkalyq yntymaqtastyq jáne damý uıymynyń basshysy A.Gýrrıamen ózara is-qımyldyń keıbir jaıttaryn talqylady.