Elimizde memlekettik jáne kommersııalyq sektor úshin elektrondy satyp alýlardy júzege asyratyn taǵy bir portal ashyldy. Ortalyq kommýnıkasııalar qyzmetinde ótken brıfıngte «MITWORK» kompanııasynyń ókilderi portaldy jýrnalıster nazaryna usyndy.
Kompanııa bas dırektorynyń orynbasary Saltanat Qudabaevanyń aıtýynsha, Eýrazııalyq elektrondy portaldyń operatory bolyp tabylatyn «MITWORK» kompanııasynyń qurylǵanyna kóp ýaqyt óte qoımaǵan. Soǵan qaramastan, sońǵy birneshe aıda birqatar munaı-gaz kompanııalarynyń, bankterdiń, halyqaralyq uıymdar men ulttyq kompanııalardyń satyp alýlarǵa qatysty baǵdarlamalaryn jasapty.
– Sizderdiń nazarlaryńyzǵa usynylyp otyrǵan portal barlyq kompanııalarǵa satyp alýlar jumysynda birdeı múmkindikter beredi, quqyq buzýshylyqtardy azaıtýǵa, qaǵaz túrindegi qujat aınalymyn azaıtýǵa, satyp alý jumystaryna jumsalatyn shyǵyndardy tómendetýge yqpal etedi, – deıdi Saltanat Qudabaeva.
Bıylǵy jyldyń 1 qyrkúıegindegi kórsetkish boıynsha, eep.mitwork.kz meken-jaıyndaǵy portalda jalpy somasy 50 mıllıard teńgeden asatyn 4500-den astam satyp alý jumysy júzege asyrylypty. Osy jumystardyń arqasynda satyp alýǵa qatysýshylar 15 mıllıard teńgege jýyq qarajat únemdegen.
Nurhan ASQAR