Otanǵa qyzmet – mereıli mindet

Astanada Qorǵanys mınıstri Imanǵalı Tasmaǵambetovtiń qatysýymen general-maıor Jomart Qýanǵalıev pen Amanjol Ospanovty saltanatty túrde zapasqa shyǵaryp salý rásimi ótti. Qorǵanys mınıstrliginde ofıserler úshin mańyzdy shara, ıaǵnı jaýyngerlik týmen qosh­tasý rásimi alǵash ret ótti. Qorǵanys mı­nıstr­liginiń qurmet qaraýyly rotasy men tý ustaýshy toptyń qatysýymen general­dar­dy shekti jasqa jetýi boıynsha bosa­tý týraly buıryq oqyldy. General-ma­ıor Jomart Qýanǵalıev pen Amanjol Os­panov kezekpe-kezek jaýyngerlik týdyń jany­na kelip, bas ıdi. Osylaısha olar týǵa áske­rı sálem berdi. «Shynymen de naǵyz komandırler, a­r­mııa­­­myzdyń betke ustar generaldary ás­ke­rı qyz­metterin osymen aıaqtaýda. Olar ás­­­ke­ri­­mizdiń qurylýynyń basy-qasyn­da bo­lyp, ózderiniń bilimderimen jáne tájirı­be­­leri­­men táýelsiz memleketimizdiń áskerı sal­as­y men qýatty qorǵanysynyń damýyna qo­­maq­­ty úles qosty», – dedi Qorǵanys mı­nıstri I.Tasmaǵambetov saltanatty rásim barysynda. Shyǵaryp salý kezinde generaldardyń ás­ke­rı dara joly, olardyń qalyptasýy men je­tis­­tikteri týraly derekti fılm kórsetildi. General-maıor Jomart Qýanǵalıev Qazaq­stan Respýblıkasy Qarýly Kúshteri Bas shtabynyń Ortalyq komandalyq pýn­k­tin, general-maıor Amanjol Ospanov Qazaq­stan Respýblıkasy Qarýly Kúshteri Qarý-jaraq bas basqarmasyn basqarǵanyn aı­ta keteıik. Áskerı qyzmetshiler 40 jyl boıy jaýyngerlik sapta boldy. Onyń teń jar­ty­synyń birshama jyldaryn qazaq­stan­dyq armııanyń qalyptasýyna sarp etti. Olarmen birge qyzmet atqarǵan jaýyngerlik qarýlastary, Qarýly Kúshterdiń barlyq jeke quramy olardyń kóp jyldyq eńbek­terine shyn júrekten alǵystaryn bildiredi. «Joǵarǵy Bas qolbasshyǵa, memleketke jáne halyqqa qyzmet etý joǵary abyroıdy ári qaraı da alyp júretinderińizge senimdimin. Bul aldaǵy eki aıtýly oqıǵa Táýelsiz­digimizdiń 25 jyldyǵy men Qazaq­stan Qarýly Kúshteri qurylýynyń 25 jyl­dyǵy qarsańynda erekshe mańyzdy. Sebebi aldymyzda elimizdiń qorǵanys qabilet­tiligin qamtamasyz etýdegi jahandyq tapsyr­ma­lar tur», dep atap ótti Qorǵanys mınıstri. General-maıor Jomart Qýanǵalıev Rostov joǵary áskerı komandalyq ýchılı­she­sin jáne F.Dzerjınskıı atyndaǵy Ás­ker­ı akademııany támamdaǵan. Qazaqstan ar­mııa­sy qurylǵanǵa deıin zymyran ásker­leri­niń «ınjener-elektrıgi» joǵary áskerı-ar­naýly bilimimen dıvızııadaǵy birden-bir qa­zaq ofıseri bolǵan ol Altaı óńirinde qyz­met atqaryp, «podpolkovnık» shenine deıin kóteril­­gen. «KSRO Qarýly Kúshterinde Otan­­­ǵa qyzmet etkeni úshin» ordeni, III dáre­­jeli «Aıbyn», II dárejeli «Dańq» or­den­derimen jáne kóptegen medaldarmen mara­pattal­ǵan. General-maıor Amanjol Ospanov Omby joǵary tanktik ınjenerlik ýchılıshesin jáne Reseı Federasııasy Qorǵanys mı­nıstr­­ligi Brondy tankti áskerler áskerı aka­de­­­mııasyn bitirgen. II dárejeli «Aıbyn» or­deni­men, mereıtoılyq jáne eńbek sińir­gen jyl­dary úshin 8 medalmen marapat­tal­­­ǵan. General-maıor Amanjol Ospanov qyz­­me­tin Germanııada bastaǵan. Onda rota bas­qarǵan.  Sáýlebek BIRJAN