Áleýmettik qamsyzdandyrýdyń joǵary deńgeıi

«QazMunaıGaz» Barlaý О́ndirý» ak­sıonerlik qoǵamy men «О́zen­mu­naıgaz» jáne «Embimunaıgaz» óndi­ris­tik fılıal­da­ry arasyndaǵy 2011-2013 jyldarǵa arnalǵan jańa Ujym­dyq shartqa qol qoıyldy. Bul shartta fılıal jumys­ker­le­ri men olardyń otbasy múshelerine kepildikter men ótemaqy berýge qatysty jaǵ­daılar, onyń ishinde emdeý jáne saýyqtyrý shyǵyndaryn óteý, eńbek jaǵdaı­la­ry­nyń qaýipsizdigin arttyrý belgilengen. Aıtýly rásimde «QazMunaıGaz» Bar­­laý О́ndirý» AQ bas dırektory K.Ib­rashev sóz sóılep, jańa Ujym­dyq shart­tyń qabyl­da­nýymen oǵan qaty­sý­shy taraptardyń bar­lyǵyn quttyqtap: «Jańa Ujymdyq shart – aýqymdy atqarylǵan jumystyń nátıjesi. Endi alda turǵan basty máselemiz – ón­diristik kór­setkishterdiń orynda­lý­yn­da. Biz osyǵan jumylýymyz kerek», – dedi bas dırektor. Esterińizge sala keteıik, Ujym­dyq shart­ty daıyndaý jumysy ótken jyldyń mamyr aıynda bastalyp, to­ǵyz aıǵa jýyq ýaqytqa sozyldy. Jańa Ujymdyq shart­tyń jobasy óndiristik fılıal eńbek ujym­dary arasynda keńinen talqylanyp, qoldaý tapty. Munaıshylardyń kásipodaq uıym­dary tarapynan bolǵan kóptegen usy­nys-tilekter jobany daıyndaý jó­nin­degi Komıssııanyń birqatar otyrysta­ryn­da qaraldy. Komıssııa munaıshy­lar­dyń árbir usynys-tilegin jiti qa­rap, jan-jaqty talqydan ótkizdi. Ja­ńa ujymdyq shart jobasynyń daıyn­dy­ǵyna qalyń munaıshy qaýym belsendi atsalysty. Atap aıtatyn bol­saq, shartty eki jaqty talqylaý sheshimi boıynsha, endi áıelder 50 jáne 55 jasqa, al er adamdar 50 jáne 60 jasqa tolǵan kezde, sondaı-aq sábı dúnıege kelgen kezde kórsetiletin materıal­dyq kó­mek­ter saqtalatyn bolsa, jyl saıyn Otan qorǵaýshylar kúnine, aý­ǵan soǵysyna qaty­sý­shylarǵa, sondaı-aq Múgedekter kúnine bala kezinen múgedek balalary bar qyzmet­ker­ler­ge salyqtar eseptelmesten qarjylyq jylda belgilengen elý aılyq eseptik kórsetkish mólsherinde materıaldyq kómek kórsetiledi dep otyr. Ujymdyq shartqa saı, jyl saıyn Múgedekter kúnine 3-toptaǵy múgedek qyz­met­­­ker­lerge salyqtar eseptelmesten qarjy­lyq jylda belgilengen elý aılyq eseptik kórsetkish mólsherinde mate­rı­aldyq kómek beriledi. Kóktemde ata­lyp ótetin 8 naýryz – Halyqaralyq áıelder merekesine beriletin tólem de burynǵysynsha saqtalyp qaldy. At­al­­mysh ujymdaǵy jalaqysy saqtal­maı­tyn demalystaǵy jas analarǵa aı saıyn ba­la­ny kútýge baılanysty tıisti tólem tólenedi. Eńbek etken árbir adamnyń jaqsy tynyǵýǵa, emdelýge quqy bar. Aýyr dene eńbeginen, mıǵa kúsh túsiretin qyz­met­ten sharshaǵan adamnyń bir aý­yq demalys oryndarynda tynyq­qysy keletini belgili. Osy oraıda, jańa Ujymdyq shartta kompanııa óndiristik fılıaldary qyzmetker­leriniń jáne ot­basy músheleriniń emdelýin, demalý­yn járdemaqymen qoldap otyratyn bola­dy. Búgingi tańda kóptegen kásip­or­yn­darda ýaqtyly jalaqy tólenbeı jata­dy, óz quqyqtaryn bilmeı, Uj­ym­dyq shartsyz qyzmet etip júr­gender sonyń saldarynan japa shegýde. Al «Qaz­Mu­naıGaz» Barlaý О́n­di­rý» aksıonerlik qo­ǵa­my­men «О́zenmu­naıgaz» jáne «Em­bi­mu­naı­gaz» óndiris­tik fı­lıaldary der kezinde Ujym­dyq shart­tardy júzege asyrý­larynyń ar­qasynda búginde ón­diristiń barlyq sa­la­lary boıynsha tólem­aqy tóleý, ju­myskerlerdiń eńbek etý jaǵ­daıynyń sapasyn arttyrý, áleýmettik kó­mek­ter men kepildikter, eńbek ýaqyty men eń­bek demalysy, eńbekaqy mólsheri men túrleri jáne basqa da áleýmettik-eńbek qa­ty­nastary tolyqqandy iske asyrylyp otyr. Esterińizge sala keteıik, 2010 jyl­dyń 31 jeltoqsanynda qoldaný merzimi aıaq­tal­ǵan burynǵy Ujymdyq shart 2008 jyly respýblıkalyq bız­nes­tiń áleý­mettik jaýapkershiligi baı­qaý­ynda úzdik atalyp, «Pa­ryz» syı­ly­ǵyn al­ǵan bo­latyn. Sondyqtan da jańa Uj­ymdyq shartta burynǵy qol­danysta bolǵan qu­jattyń negizgi parametrleri saqtalǵanyn basa aıtqan jón. So­ny­men qatar qol­danysqa engizilip otyr­ǵan qujat jańa áleýmettik ıgiliktermen odan ári jaq­sartylyp otyr. Jańa Ujymdyq shartqa jan-jaq­ty toqtalsaq, jumyskerdiń eńbek mindetterin atqarý kezinde kórse­ti­letin áleýmettik kepildikter ózgerissiz saq­taldy. Jumys berýshi óz qarajaty esebinen munaıshylardyń kásipshi­lik­te eńbek etýine turmystyq jaǵdaı­lar­dy jasaıdy. Munaıshylardyń kúnde­likti ju­mys oryndaryna baryp kelýin tasymaldaýǵa avtokólik bóledi. Jumys berýshi óz qarajatynyń esebinen eńbek úderisin munaı ká­sip­shilikterinde jú­zege asyratyn, óner­ká­siptik aımaqta eńbek etetin jumys­kerlerdi ystyq túski tamaqpen qam­tamasyz etedi. Jumys berýshi qajettiligine qaraı ashanalar, turmystyq-sharýashylyq ke­­shenderdi, jýynýǵa arnalǵan oryn­da­ry bar ope­ra­tor­lyq bloktardy sa­lýdy qam­ta­masyz etedi. Ju­mys berýshi buǵan deıin de jumys­ker­ler­diń eńbek etýine jaǵ­daı jasaý, jaqsartý ba­ǵy­tynda atqaryp otyrǵan jumysyn odan ári de jal­ǵas­tyratynyn qujat júzinde qýattap otyr. Jumys berýshi qyzmetkerlerge Qa­­zaqstan zańdarynda kózdelgen áleý­met­tik járdemaqy men oǵan qosymsha tó­leýdi qam­tıtyn ýaqytsha jumysqa ja­ram­syz­dyǵy boıynsha járdemaqy tó­leýdi júr­gizedi. Ýaqytsha eńbekke ja­ram­syzdyǵy boıynsha járdemaqy tó­leý úshin munaı-gaz salasyndaǵy eńbek ótili qyz­metkerdiń Qoǵamnyń tıisti qu­rylymdyq bólim­she­sine bergen eńbek qyzmetin rastaıtyn qu­jat­tardyń negizinde esepteledi. Járde­m­aqy eńbekke jaramsyzdyǵy kezeńine dóp kelgen jumys kúnderine bara-bar tólenedi. «QazMunaıGaz» Barlaý О́ndirý» aksıonerlik qoǵamy jumyskerleriniń eńbek, áleýmet quqyqtaryn zańdy túr­de, Ujym­dyq sharttyń erejelerine baılanysty saqtap, oryndalýyn jú­ze­ge asyrýy, atal­mysh óndiristiń órke­nıettiligin kórsetedi. «Birlik bar jerde, tirlik bar» deıdi ata­myz qazaq. Osy birligi jarasqan óndiris, ózde­riniń jumyskerleriniń órkendep, ol­ar­dyń ishteı toptasýyna qosqan jeke úlesimen erekshelenip otyr. Indıra BERKIMBAEVA.